LIVRE III , CHAPITRE LH

Ce que fut incontinent faict. Le feu mis es fagotz, la flambe fut si grande et si haultc qu'elle couvrit tout le chasteau. Dont penseront que bien tost après la tour seroit arsc et demollie. Mais, cessant la flambe, et les fagotz consumés, la tour apparut entière, sans en rien estre endommagée.

Ce que considérant César, commanda que, hors le ject des pierres, tout autour, l'on fist une seine de fossés et bouclus. Âdonc les Larignans se rendirent à composition. Et, par leur récit, cogneut César l'admirable nature de ce bois, lequel de soy ne fait feu, flambe, ne charbon, et seroit digne en ceste qualité d’estre au degré mis du vray Pantagruelion ; et d’autant plus que Pantagruel d'iceluy voulut estre faicts tous les huys, portes, fenestres, gouttières, larmiers et l'ambrun de Theleme ; pareillement d’iceluy fit couvrir les pouppes, prores, fougons, tillacs, coursies et rambades de ses carracons, navires, galleres, gallions, brigantins, fustes, et aultres vaisseaux de son arsenac de Thalasse : ne fust que Larix, en grande fournaise de feu provenant d'aultres especes de bois, est en fin corrompu et dissipé, comme sont les pierres en fourneaux de chaux. Pantagruelion Asheste plus tost y est renouvelé et nettoyé que corrompu ou altéré. Pourtant,

. Indes, cessez, Arabes, Sabiens,

Tant collauder vos myrrhe, encens, ebene.

Venez icy rocognoistre nos biens,

Et emportez de nostre herbe la grene :

Puis, si chez vous peut croistre, en bonne estrene.

Grâces rendez es cieulx un million;

Et affermez de France heureux le régné Onquel provient Pantagruelion.