ACHETA PLUSIEURS BELLES CHOSES

Cesluy iour, et les deux subsequens, ne leur apparut terre ne chose aullrc nouvelle. Car autrefois avoient are ceste route. Au quatrième découvrirent une isic nommée Medamothi, belle à l'œil et plaisante, à cause du qrand nombre des phares et haultes tours marbrines desquelles tout le circuit estoit orné, qui n’estoit moins grand que de Canada.

Pantagruel, s’enquerant qui en estoit dominateur, entendit que c’estoil je roy Philophanes, lors absent pour le mariage de son frere Philotliéamon avec l’infante du royavilme des Engys. Adonc descendit on havre, contemplant, ce pendant que les chormes des naufz faisoient aiguade, divers tableaux, diverses tapisseries, divers animaux, poissons, oiseaux et aultres marchandises exotiques et peregrines, qui estoient en l'allée du mole, et parles halles du port. Car c’estoit le tiers jour des grandes et solennes foires du lieu, esqucllcs annuellement convenoient tous les plus riches et fameux marchands d’Afrique et Asie. D’entre lesquelles frere Jean acheta deux rares et précieux tableaux, en l’un desquelz estoit au vif peinct le visage d’un appellant ; en l’aultre estoit le portraict d’un varlet qui cherche maistre, en toutes qualités requises, gestes, maintien, minois, alleures, physionomie et afTections : peinct et inventé par maistre Charles Chamois, peinctre du roy Megiste; et les paya en monnoie de cinge.

Panurge acheta un grand tableau peinct et transsumi>t de l’ouvraige jadis faict à l’aiguille par Philomela, exposante et représentante à sa sœur i'rogné comment son beau frere Tereus l’avoit depucelléc, et sa langue coupée afin que tel crime ne decelast. Je vous jure, par le manche de ce fallot, que c’estoit une peincturc gualante et mirifique. Ne pensez, je vous prie, que ce fust le portraict d’un homme couplé sus une fille. Cela est trop sot et trop lourd. La peincture estoit bien autre et plus intelligible. Vous la pourrez voir en ïheleme, à main gauche, entrans en la haulle galerie.

Epistemon en acheta un aultre, onquel estoient au vif peinctes les idées de Platon, et les atomes d’Epicurus. Dhizotomc en acheta un onquel estoit Echo selon le naturel représentée.

Pantagruel par Gymnaste fit acheter la vie et gestes de Acnilles, en soixante et dixhuit pièces de tapisserie à haultes lisses, longues de quatre, larges de trois toises, toutes de saye phrygienne, requamée d’or et d’argent. Et commençoit la tapisserie aux nopces de Peleus et Thelis ;

Digilizod by Googlc

continuant la nativité d'Achilles, sa jeunesse duscrite par Stace Papinie ; ses gestes et faicts d’armes célébrés par Homere, sa mort et exeques descrits par Ovide et Quinte Calabrois, finissant en rapparition de son ombre, et sacrifice de Polyxene, descrit par Euripides.

Fit aussi acheter trois beaux et jeunes unicornes : un masie, de poil alezan tostadc, et deux femelles, de poil gris pommelé. Ensemble un tarande, que lui vendit un Scythien de la contrée des Gelones.

Taraude est un animal grand comme un jeune taureau, portant teste comme est d’un cerf, peu plus grande, avec cornes insignes largement ramées ; les pieds forchuz, le poil long comme d’un grand ours, la peau peu moins dure qu’un corps de cuirasse. Et disoit le Gelon peu en estre trouvé parmy la Scythie, parce qu’il change de couleur selon la variété des lieux esquelz il paist et demoure. Et représente la couleur des herbes, arbres, arbrisseaux, fleurs, lieux, pastiz, rochiers, generalement de toutes choses qu’il approche.

Cela luy est commun avec le poulpe marin, c’est le polype : avec les tfaoës, avec les lycaons de Indie, avec le chameléon, qui est|une espece de lizart tant admirable que Democritus a faict un livre entier de sa figure, anatomie, vertus, et propriété en magie. Si est ce que je l’ay veu couleur changer, non à l'approche seulement des choses colorées, mais de soy mesmes, selon la peur et affections qu’il avoit. Comme sus un tapis verd, je l’ay veu certainement verdoyer; mais y restant quelque espace de temps, devenir janne, bleu, tanné, violet par succès : en la façon que voyez la creste des coqs d’Inde couleur selon leurs passions changer. Ce que sus tout trouvasmes en cestuy Uirande admirable est que, non seulement sa face et peau, mais aussi tout son poil telle coulenr prenoit quelle estoit es choses voisines . Prés de Panui^e vestu de sa toge bure, le poil luy devenoit gris ; prés de Pantagiucl vestu de sa mante d’escarlate, le poil et peau luy rougissait ; prés du pilote vestu à la mode des Isiaces de Anubis en Egypte, son poil apparut tout blanc. Lesquelles deux demieres couleurs sont au chameléon déniées. Quand hors toute peur et affection il estoit en son naturel, la couleur de son poil estoit telle que voyez es asnes de Meung.