CHAPITRE X

CrtaiMENT PANTAGRUEL DESCENDIT EN 1,’lSLE DE CIIELI, EN LAQUELLE REGNOIT LE ROV SAINCT PANIGON

Le garbin nous soufQoit en pouppe, quand, laissons ces mal plaisons. Allianciers, avec leur nez de as de treuftle, montasmes en haulte mer. Sus la déclination du soleil, fîsmes scalle en l’isle de Cheli, isie grande, fertile, riche et populeuse, en laquelle r^oit le roy sainct Pa;.;gon. Lequel, accompaigné de ses enfans et princes de sa court, s’estoit transporté jusque prés le havre pour recevoir Pantagruel. Et le mena jusques en son chasteau ; sus l’entrée du dongeon se offrit la royne, accompaignée de ses filles et dames de court. Panigon voulut qu’elle et toute sa suite baisassent Pantagruel et ses gens. Telle estoit la courtoisie et coustume du pays. Ce que fut faict, excepté frere Jean, qui se absenta et s’escarta parmy les officiers du roy. Panigon vouloit, en toute instance, pour cestuy jour et au lendemain retenir Pantagruel. Pantagruel fonda son excuse sus la sérénité du temps et opportunité du vent, lequel plus souvent est désiré des voyagiers que rencontré, et le fault cmploiter quand il advient, car il ne advient toutes et quantes fois qu’on le souhaite. A ceste remonstrance, après boire vingt et cinq ou trente fois par homme, Panigon nous donna congié.