CHAPITRE XI

POt’RQUOV LES MOINES SONT VOLUNTIERS EN CUISINE

« C'est, dist Epistemon, naïfvement parlé en moine. Je dis moine moinant, je ne dis pas moine moine. Vrayement vous me réduisez en mémoire ce que je vis et ouy en Florence, il y a environ vingt ans. Nous estions bien bonne compaignie de gens studieux, amateurs de peregrinité, cl convoiteux de visiter les gens doctes, antiquités et singularités d’Italie. Et lors curieusement contemplions l’assiette et beauté de Florence, la structure du dôme, la somptuosité des temples et palais magnineques. Et entrions en contention qui plus aplement les extolleroit par louanges condignes : quand un moine d’Amiens, nommé Bernard Lardon, comme tout fasché et monopolé, nous dist : « Je ne sçay que diantre vous trouvez icy tant à louer. J’ay aussi bien contemplé comme vous, et ne suis aveugle plus que vous. Et puis : qu’est ce? Ce sont belles maisons. C’est tout. Mais Dieu, et monsieur sainct Bernard, nostre bon patron, soit avec nous, en toute ceste ville •encores n’ay je veu une seule roustisserie, et y ay curieusement regardé et considéré. Voire je vous dis comme espiant et prest à compter et nombrer, tant à dextre comme à senestre, combien et de quel cousté plus nous rencontrerions de roustisseries roustissantc.'^. Dedans Amiens, en moios de chemin quatre fois, voire trois qu’avons faict en nos contemplations, je vous pourrois monstrer plus de quatorze roustisseries antiques et aromatizantes. Je ne sçay quel plaisir avez prias voyans les lions et africanes (ainsi nommiez vous, ce me semble, ce qu’ilz appellent tygres) prés le beffroy : pareillement voyans les porcs espicz et austruches on palais du seigneur Philippe Strossi. Par ma foy, nos fieulx, j’aimerois mieulx voir un bon et gras oison en broche. Ces porphyres, ces marbres sont beaux. Je n’en dis poinct de mal, mais les darioles d’Amiens sont meilleures à mon gqust. Ces statues antiques sont bien faictes, je le veulx croire ; mais par sainct Ferreol d'Abbeville, les jeunes bachclettes de nos pays sont mille fois plus advenantes.

— Que signifie, demanda frere Jean, et que veult dire que tousjours voué trouvez moines en cuisines ; jamais n’y trouvez rois, papes, ne empereurs? — Est ce, respondit Rhizotome, quelque vertu latente et propriété specifiqu.' absconse dedans les marmites et contrehastiers, qui les moines y attire, comme l’aimant à soy le fer attire ; n’y attire empereurs, papes, ne rois ? Ou c’est une induction et inclination naturelle, aux froez et cagüulle adhérentes, laquelle de soy mene et poulse les bons religieux en