LIVRE IV, CUAl'lTRE XII

cuisine, encore qu’ilz n’eussent élection ne deliberation d’y aller? — Il veult dire, respondit Epistemon, formes suivantes la matière. Ainsi les nomme Averroïs. — Voire, voire, dist frère Jean.

— Je vous diray, respondit Pantagruel, sans au problème propousé respondre, car il est un peu chatouilleux, et à peine y toucheriez vous sans vous espiner. Me souvient avoir leu que Antigonus, roy de Macedonie, un jour entrant en la cuisine de ses tentes, et y rencontrant le poète Antagoras, lequel fricassoit un congre et luy mesme tenoit la paille, luy demanda en toute alaigresse : « Homere fricassoit il congres, lorsqu’il descrivoit « les prouesses de Agamemnon? — Mais, respondit Antagoras au roy, * « estimes tu que Agamemnon, lors que telles prouesses faisoit, fust « curieux de savoir si personne en son camp fricassoit congres? » Au roy sembloit indécent que en sa cuisine le poète faisoit telle fricassée. Le poète luy remonstroit que chose trop plus abhorrente estait rencontrer le roy en cuisine. — Je dameray ces tecy, dist Panurge, vous racontant ce que Breton Villandry respondit un jour au seigneur duc de Guise. Leur propous estoit de quelque bataille du roy François contre l’empereur Charles cinquiesme, en laquelle Breton estoit guorgiasement armé, mesmement de grefves et solleretz asserés, monté aussi à l’avantaige ; n’avoit toutesfois esté veu au combat. « Par ma foy, respondit Breton, j’y ay esté, facile me sera le « prouver, voire en lieu onquel vous n’eussiez osé vous couver. » Le seigneur Duc prenant en mal ceste parole, comme trop brave et trop temerairement proférée, et se haulsant de propous, Breton facilement en grande risée l’appaisa, disant : « J’estois avec le baguage : onquel lieu vostre « honneur n’eust porté soy cacher comme je faisois. » En ces menuz devis arrivèrent en leurs navires. Et plus long séjour ne firent en icelle isle de Cheli.