CHAPITRE XVI

COKHEKT PAIt FRERE JEAN EST FAICT ESSAT DU NATUREL DES CHICANODS

« Ceste narration, dist Pantagruel, sembleroit joyeuse, ne fustque devant nos oeilz fault la crainte de Dieu continuellement avoir. — Meilleure, dist Epistemon, seroit, si la pluie de ces jeunes gantelets fust sus le gras prieur tombée. Il dependoit pour son passetemps argent, part à fascher Basché, part à voir ses Chiquanous dauber. Coups de poing eussent aptement atouré sa teste rase : attendue l’enorme concussion que voyons huy entre ces juges pedanées sous l’orme. En quoy offensoient ces pauvres diables Chiquanous?

— Il me souvient, dist Pantagruel à ce propous, d’up antique gentilhomme romain, nommé L. Neralius. Il estoit de noble famille et riche en son temps. Mais en luy estoit ceste tyrannique complexion que, issant de son palais, il faisait emplir les gibessieres de ses varletz d’or et d’ai^ent monnoyé, et, rencontrant par les rues quelques mignons braguars et mieulx en poinct, sans d’iceux estre aucunement offensé, par guayeté de