LIVRE IV, CHAPITRE XXVI

l'isle des Macréons. Macrdon, en grec, signifie vieillart, honune qui a des ans beaucoup. <

— Que veulx tu, dist firere Jean, que j’en face? Veulx tu que je m’en . defiace? Je n’estois mie on pays lors que ainsi fut baptisée.

— A propous, respondit Panurge, je croy que le nom de maquerelle en est extraict. Car maquerellaige ne compete que aux vieilles : aux jeunes compete culletaige. Pourtant serait ce à penser que icy fust l'isle Maquerelle, original et prototype de celle qui est à Paris. Allons pescher des huytres en escalle. »

Le vieil Macrobe, en langage lonicque, demandait à Pantagruel comment et par quelle industrie et labeur estait abourdé à leur port celle journée, en laquelle avait esté troublemcnt de l’air, et tempeste de mer tant horrifique. Pantagruel luy respondit que le hault Servateur avoit eu esgard à la simplicité et sincere affection de scs gens, lesquels ne voyageoient pour guain ne trafîoque de marchandise. Une et seule cause les avoit en mer mis, sçavoir est studieux désir de voir, apprendre, cognoistre, visiter l’oracle de Baebue, et avoir le mot de la Bouteille, sus quelques difficultés proposées par quelqu’un de la compaignie. Toutesfois, ce ne avoit esté sans grande affliction et dangier évident de naufrage. Puis luy demanda quelle cause luy sembloit estre de cestuy espouvantable fortunal, et si les mers adjacentes d’icelle isle estaient ainsi ordinairement subjectes à tempestes, comme, en la mer Océane, sont les ratz de Sanmaieu, Maumusson, et, en la mer Mediterranée, le gouffre de Satalie, Montargentan, Plombin, Capo Melio en Laconie, l’estroict de Gilbatbar, le far de Messine, et aultres.