LIVRE IV, CHAPITRE XXXIV

les autres nations en face. Aussi celebrez vous les Scj'thes en ceste dextérité, de la part desquelz jadis un ambassadeur envoyé à Darius, roy des Perses, luy ollrit un oiseau, une grenouille, une souris, et cinq fléchés, sans mot dire. Interrogé que pretendoient telz presens, et s’il avoit chaîne de rien dire, responditque non. Dont restoit Darius tout estonnéet hebelé en son entendement, ne fust que l’un des sept capitaines qui avoient occis les mages, nommé Gobryes, luy exposa et interpréta, disant : « Par ces dons et olîrandes vous disent tacitement les Scythes : Si les Perses comme oiseaux ne volent au ciel, ou comme souris ne se cachent vers le centre de la terre, ou ne se mussent on profond des estangs et paluz comme grenouilles, tous seront à perdition mis par la puissance et sageltes des Scythes. » Le noble Pantagruel en l’art de jetter et darder estoit sans comparaison plus admirable. Car avec ses horribles piles et dards (lesquelz proprement resserabloient aux grosses poultres sus lesquelles sont les ponts de Nantes, Saulnmr, Bei^erac, et à Paris les ponts au Change et aux Meusiiiers souslenuz, en longueur, grosseur, pesanteur et ferrure) de mille pas loing il ouvroit les huytres en escalle sans toucher les bords ; il esmouchoit une bougie sans l’esteindre, frappoit les pies par l’œil, dessemeloit les bottes sans les endommager, defTourroit les barbules sans rien gaster; toumoit les feuillets du bréviaire de frereJean l’un après l’aullrc sans rien dessirer. Avec telz dards, desquelz estoit grande munition dedans sa nauf, au pVemier coup il enferra le Physetere sus le front, de mode qu’il luy transperça les deux machouoires et la langue, si que plus ne ouvrit la gueule, plus ne puisa, plus ne jetta eau. Au second coup il luy creva l’œil droit; au troisième, l’œil gauche. Et fut veu le Physetere en grande jubilation de tous porter ces trois cornes au front quelque peu penchantes davant, en ligure triangulaire cquilaterale, et tournoyer d’un cousté et d’aultre, chancellant et fourvoyant comme cslourdy, aveugle et prochain de mort. De ce non content, Pantagruel luy en darda un aultre sus la queue, panchant pareillement en arriéré. Puis trois aultres sus l’eschine en ligne perpendiculaire, par equale distance de queue et hac trois fois justement compartie. Enfin luy en lança sus les flancs cinquante d’un cousté et cinquante de l’aultre. De maniéré que le corps du Physetere sembloit à la quille d’un gualioii à trois gabies, emmortaisée par competente dimension de scs poultres, comme si fussent cosses et porteliausbancs de la canne. Et estoit chose moult plaisante à voir. .Adonc, mourant, le Physetere se renversa ventre sus dours, comme font tous poissons mors : et ainsi renversé, les poultres contre bas en mer, resscinbloit au scolopendre, serpent ayant cent pieds comme le duscript le sage ancien Nicander.

Digiîiz;:; 'g. C ■