CHAPITRE XXXV

COMMENT PANTAGnUEL DESCEND EN L’ISLE FAROUCHE, MANOIR ANTIQUE DES ANDOUILLES

Les hespailliers de la nauf lanterniere amenèrent le Physetere lié en terre de l’isle prochaine, dicte Farouche, pour en faire anatomie, et recueillir la gresse des roignons : laquelle disoient estre fort utile et necessaire à la guérison de certaine maladie qu'ilz nommoient faulte d'argeut. Pantagruel n’en tint compte, car aultres assez pareilz, voire encores pins énormes, avoit veu en l’océan Gallicquc. Condescendit toutesfois descendre en l’isle Farouche pour seicher et refraichir aucuns de ses gens mouillés et souillés par le villain Physetere, à un petit port desert vers le midy situé lez une touclie de bois haulle, belle et plaisante, de laquelle sortait un délicieux ruisseau d’eau douce, claire et argentine. Là, dessous belles tentes furent les cuisines dressées, sans cspargne de bois. Chascun mué de veste;nens à son plaisir, fut par frere Jean la campanelle sonnée. Au son d’icelle furent les tables dressées et promptement servies.

Pantagruel, disnant avec ses gens joyeusement, sus l’apport de la seconde , table apperceut certaines petites Andouilles alTaictées gravir et monter sans mot sonner sus un hault arbre prés le retraict du goubelet, si demanda à Xenomanes : « Quelles bestcs sont ce là,? » pensant que fussent escurieux, belettes, martres ou hermines, o Ce sont Andouilles, respondit Xenomanes. Icy est l'isle Farouche, de laquelle je vous parlois à ce matin : entre lesquelles et Quaresmeprenant leur maling et antique ennemy est guerre mortelle de longtemps. Et croy que par les canonnades tirées contre le Physetere ayent eu quelque frayeur et doubtance que leur dict ennemy icy fust avec ses forces pour les surprendre, ou faire le guast parmy ceste leur isle, comme ja plusieurs fois s’estoit eu vain efforcé, et à peu de profit, obstant le soing et vigilance des Andouilles, lesquelles (comme disoit Dido aux corapaignous d’Ænéas voulans prendre port en Carthage sans son sceu et licence) la malignité de leur ennemy et viduité de ses terres contraignoient soy continuellement contregarder et veiller. — Dea, bel amy, dist Pantagruel, si voyez que par quelque honneste moyen puissions fin à ceste guerre mettre, et ensemble les reconcilier, donnez m’en advis.

Je m’y emploiray de bien bon cœur, et n’y espargneray du mien pour contemperer et amodier les conditions controverses entre les deux parties. — Possible n’est pour le présent, respondit Xenomanes. Il y a environ quatre ans que, passant par cy et Tapinois, je me mis en debvoir de traicter paix entre eux, ou longues treves pour le moins ; et ores fussent