LIVRE IV, CHAPITRE XXXVI

bons amis et voisins, si tant l'un comme les aultres soy fussent despouilit^s (le leurs affections en un seul article. Quaresmeprenant ne vouloit on traict(5 de paix comprendre les Boudins saulvages, ne les Saulcissons montigenes leurs anciens bons comperes et confédérés. Les Andouilles requeroient que la forteresse de Lacques fust par leur discrétion, comme est le chasteau de Sallouoir, regie et gouvernée, et que d’icelle fussent hors chassés ne sçay quelz puans, villains, assassineurs, et briguans qui la tenoient. Ce que ne peult estre accordé, et semblaient les conditions iniques à l'une et à l'aultrc partie. Ainsi ne fut entre eux ruppoinctement conclud. Restèrent toutesfois moins severes et plus doux ennemis que n'estoient par le passé. Mais depuis la dénonciation du concile national de Chesil, par laquelle elles furent farfouillées, guodelurées et intimées ; par laquelle aussi fut Quaresmeprenant declairé breneux, ballebrené et stocQsé en cas que avec elles il fist alliance ou appoinctement aucun, se sont horriSquement aigris, envenimés, indignés et obstinés en leurs couraiges ; et n’est possible y remedier. Plus tost auriez vous les chats et ratz, les chiens et lievres ensemble reconcilié. »