CHAPITRE XLIX

COMMENT HOMENAS, EVESQUE DES PAPIHiWlES, NOUS MONSTRA LES URANOPETES DECRETALES

Puis nous dist Homenas : « Par nos sainctes decretales nous est enjoinct et commandé visiter premier les églises que les cabarets. Pourtant, ne déclinons de ceste belle institution, allons à l’eglise, après irons banqueter. — Homme de bien, dist frei Jean, allez davant, nous vous suivrons. Vous avez parlé en bons termes et en bon Christian. Ja long temps a que n’en avions veu. Je m’en trouve fort rcsjouy en mon esprit, et croy que je n’en repaistray que mieulx. C’est belle chose rencontrer gens de bien. » Approchans de la porte du temple, apperceusmes un gros livre doré, tout couvert de fines et précieuses pierres, balais, esmeraudes, diamans et unions, plus ou autant pour le moins excellentes que celles que Octavian consacra à Jupiter Capitolin. Et pendoit en l’air attaché à deux grosses chaines d’or au zoophorc du portai. Nous le regardions en admiration. Pantagruel le manioit et tournoit à plaisir, car il y pouvait aisément toucher. Et nous affermait qu’au touchement d’icelles, il sentoit un doulx prurit des ongles et desgourdissement des bras : ensemble tentation vehemente en son esprit de battre un seigent ou deux, pourveu qu’ilz n’eussent tonsure. Adonc nous dist Homenas : « Jadis'fut aux Juifz la loy par Moses baillée escrite des doigts propres de Dieu. En Delphes davant la face du temple d’Apollo fut trouvée ceste sentence dî dnement escrite : rXÛ01 SE.AYTON. Et par certain laps de temps après fut