CHAPITRE LXI

COMMENT GASTSn INVE.NTA I.ES. MOYENS d'aVOIR ET CONSER\XR GRAIN

Os diables Gastrolatres retirés, Pantagruel fut attentif à l'estude de Gaster, le noble maistre des ars. Vous sçavcz que par institution de nature, pain avec ses apennaiges luy a esté pour provision adjugé et aliment, adjüincte ceste bénédiction du ciel que pour pain trouver et garder rien ne luy defauldroit. Des le commencement il inventa l'art fabrile, et agriculture pour cultiver la terre, tendant à fin qu’elle luy produisist grain. Il inventa l’art militaire et armes pour grain defendre; medeciqe et astrologie, avec les mathématiques necessaires, pour grgin en saulveté par plusieurs siècles garder et mettre hors les calamités de l’air, deguast des Lestes brutes, larccin des briguands. 11 inventa les moulins à eau, à vont, à bras, à aultres mille engins, pour grain mouldre et réduire en fariue, le levain pour fermenter la paste, le sel pour luy donner saveur (car il eust ceste cognoissance que chose au iponde plus les humains ne rendoit à maladies subjeetz que de pain non fermenté, non salé user), le feu pour le cuire, les borologes et quadrans pour entendre le temps de la cuicte de pain, ^ créature de grain.