CHAPITRE LXVI

COMMENT, PRÉS l'ISLE DE GANABIN, AU COMMANDEMENT DE PANTAGRUEL, FURENT LES MUSES SALUÉES

Continuant le bon vent, et ces joyeux propous, Pantagruel descouvrit au loing et apperceut quelque terre montueuse, laquelle il monstra à Xenomanes, et luy demanda : « Voyez vous cy devant à orche ce hault rochier à deux crouppes bien ressemblant au mons Parnasse en Phocide? — Très bien, respondit Xenomanes. C’est l’isle de Ganabin. Y voulez vous descendre ? — Non, dist Pantagruel. — Vous faites bien, dist Xenomanes. Là n’est chose aucune digne d’estre veue. Le peuple sont tous voleurs et larrons. Y est tdutesfois vers ceste crouppe dextre la plus belle fontaine du monde, et autour une bien grande forest. Vos chormes y pourront faire aiguade et ligftade. — C’est, dist Panurge, bien et doctement parlé. Ha, da da. Ne descendons jamais en terre des voleurs et larrons. Je vous asceure que telle est ceste terre icy, quelles aultrefois j’ay vu les isles de Cerq et Henn entre Bretaigne et Angleterre; telle que la Ponerople de Philippe en Thrace; isles des forfans, des larrons, des briguands, des meurtriers et assassineurs : tous extraicts du propre original des basses fosses de la Conciergerie. N’y descendons poinct, je vous en prie. Croyez, si non moy, au moins le conseil de ce bon et sage Xenomanes. Hz sont, par la mort bœuf de bois, pires que les Canibales. Hz nous mangeroient tous vifz. N’y descendez pas, de grâce. Mieulx vous seroit en Averne descendre. Escoutez. Je y oy, par Dieu, le tocqueceinct horrificque, tel que jadis souloient les Guascons en Bourdelois faire contre les guabelleurs et commissaires. Ou bien les oreilles me cornent. Tirons vie de long. Hau! Plus oultre!

— Descendez y, dist frere Jean, descendez y. Allons, allons, allons tousjours. Ainsi nepoyrons nous jamais de giste. Allons. Nous les sacmenterons trestous. Descendons.

— Le diable y ait part, dist Panurge. Ce diable de moine icy, ce moine de diable enraigé ne crainct rien. Il est hazardeux comme tous les diables,