LIVRE IV, CHAPITRE LXVFl

•et poinct des aultres ne se soucie. Il luy est advis que tout le monde est moine comme luy. — Va, ladre verd, respoudit frere Jean, à tous les millions de diables, qui te puissent anatomiser la cervelle, et en faire des «ntommeures. Ce diable de fol est si lasche et meschant qu'il se conchie à toutes heures de male raige de peur. Si tant tu es de vaine peur consterné, n’y descends pas, reste icy avec le bagaige. Ou bien te va cacher sous la cotte hardie de Proserpine à travers tous les millions de diables, s A ces motz Panurge esvanouit de la compaignie, et se mussa au bas dedans la soutte, entre les crouttes, miettes et chaplis du pain. « Je sens, dist Pantagruel, en mon ame rétraction urgente, comme si fust une voix de loing ouïe, laquelle me dit que n’y debvons descendre. Toutes et quantesfois qu’en mon esprit j’ay tel mouvement senty, je me suis trouvé en heur, refusant et laissant la part dont il me retiroit : au contraire en heur pareil me suis trouvé, suivant la part qu’il me poussojt : et jamais ne m’en repenty. — C’est, dist Epistemon, comme le démon de Socrates, tant célébré entre les Academicques. — Escoutez donc, dist frere Jean, ce pendant que les chormes y font aiguade, Panurge là bas contrefait le Iqup en paille. Voulez vous bien rire? Faites mettre le feu en ce basilic que voyez prés le chasteau guaillard. Ce sera pour saluer les muses de cestuy mons Antiparnasse. Aussi bien se guaste la pouldre dedans. — C’est bien dict, respondit Pantagruel. Faites moy icy le maistre bombardier venir. » Le bombardier promptement comparut. Pantagruel luy commanda mettre feu on basilic et de fraiches pouldres en tout evenement le recharger. Ce que fut sus l’instant faict. Les bombardiers des aultres naufz, ramberges, guallions et gualeaces du convoy, au premier deschargement du basilic qui estoit en la nauf de Pantagruel, mirent pareillement feu chascun en une de leurs grosses pièces chargées. Croyez qu’il y eut beau tintamarre.