LIVRE V. CHAPITRE II
sommes farcis que de vent. Et quoy, n’avez vous icy autre passe temps que de jeusner? Me semble qu’il est bien maigre; nous nous passerions bien de tant de festes du palais. — En mon Donat, dist frere Jean, je ne trouve que trois temps, prétérit, présent et futur : icy le quatriesme doit estre pour le vin du valet. — Il est, dist Epistemon, aorist issu de prétérit très imparfaict des Grecs et des Latins, en temps garré et bigarré reçu. Patience, disent les ladres. — Il est, dist l’hermite, fatal, ainsi comme je vous l’ay dit : qui contredit est heretique, et ne luy fault rien que le feu. — Sans faulte, Pater, dist Panurge, estant sus mer, je crains beaucoup plus estre mouiljé que chauffé, et estre noyé que bruslé.
« Bien, jeusnons de par Dieu ; mais j’ay par si longtemps jeusné que les jeusnes m’ont sappé toute la chair, et crains beaucoup qu’en fin les bastions de mon corps viennent en decadence. Autre peur ai je davantage, c’est de vous fascher en jeusnant, car je n’y sçay rien, et y ai mauvaise grâce, comme plusieurs m’ont affermé : et je les croy. De ma part, dis je, bien peu me soucie de jeusner ; il n’est chose tant facile et tant à main ; bien plus me soucie de ne jeusner point à l’advenir, car là il faut avoir de quoy drapper et de qudy mettre au moulin. Jeusnons, de par Dieu, puisqu’entrés sommés es fériés esuriales; ja long temps a que ne jes recognoissois. — Et si jeusner faut, dist Pantagruel, expédient autre n’y est, forg nous en depescher comme d’un mauvais chemin. Aussi bien veux je un peu visiter mes papiers, et entendre si j’estude marine est aussi bonne comme la terrienne, pource que Platon, voulant •descrire un homme niais, imperit et ignorant, le compare à gens nourris en mer* dedans les navires, comme dirions à gens nourris dedans un baril, qui oncques ne regardèrent que par un trou. »
Nos jeusnes furent terribles et bien espouvantables, car le premier jour nous jeusnasmes à basions rompus ; le second, à espées rabatues; le tiers, à fer esmoulu ; le quart, à feu et à sang. Telle estoit l’ordonnance des fées.
