CHAPITRE II
COMMENT l’ISLE SONNANTE AVOIT ESTÉ HABITÉE PAR LES SITICINBS, LESQUELS ESTOIENT DEVENUS OISEAUX
Nos jeusnes parachevés, l’hermite nous bailla une lettre adressante à un qu’il nommoit Albian Camar, maistre Aeditue de l’isle Sonnante ; mais Panurge, le saluant, l’appella maistre Antitus. C’estoit un petit bon homme vieux, chauve, à museau bien enluminé et face cramoisie. Il nous fit très bon recueil, par la recommandati'on de l’henqitc, entendant qu’avions
jeusné comme a esté déclaré. Après avoir très bien repeu, nous exposa les singularités de l’isle, affermant qu’elle avoit premièrement esté habitée par les Siticines; mais, par ordre de nature (comme toutes choses varient) ils estoient devenus oiseaux.
Là, j’eus pleine intelligence de ce qu’Atteius Capito, Paulus, Marcellus, A. Gellius, Alheneus, • Suidas, .Ammonius et autres, avoient cscrit des Siticines et Sicinnistes, et diflicile ne nous sembla croire les transformations de Nyctimene, Progné, Itys, Alcmene, Antigone, Tercus et autres oiseaux. Peu aussi de doubte fismes des enfans Matabrune convertis en cygnes, et des hommes de Pallene ’ en Thrace, lesquels soubdain que par neuf fois se baignent au palud Tritonique, sont en oiseaux transformés. Depuis, autre propos ne nous tint que de cages et d’oiseaux. Les cages estoient grandes, riches, somptueuses, et faictes par merveilleuse architecture.
Les oiseaux estoient grands, beaux et polis à l’advenant, bien ressemblons les hommes de ma patrie : beuvoient et mangeoient comme hommes,, esmutissoient comme hommes, endiiisoient comme hommes, petoient, dormoient et roussinoient comme hommes : brief, à les voir de prime face, eussiez dit que fussent hommes ; toutesfois ne l’estoient mie, selon l’instruction de maistre Aeditue, nous protestant qu’ils n’estoient ny séculiers, ny mondains. Aussi leur pennage nous mettoit en resverie, lequel aucuns avoient tout blanc, autres tout noir, autres tout' gris, autres mi parti de blanc et noir, autres tout rouge, autres parti de blanc et bleu : c'estoit belles choses de les voir. Les masles il nomraoit Clergaux, Monagaux, Prestregaux, Abbegaux, Evesgaux, Cardingaux et Papegaut, qui est unique en sou espece. Les femelles il nommait Clcrgesses, Monagesses, Prestregesses, Abbegesses, Evesgesses, Cardingesses, Papegesses. Tout ainsi toutesfois, nous dist il, comme entre les abeilles hantent les freslons, qui rien ne font fors tout manger et tout gaster, aussi depuis trois cens ans ne sçay comment, entre ces joyeux oiseaux, estoit par chascune quinte lune avolé grand nombre de cagots, lesquels avoient honny et conchié toute l’isle, tant hideux et monstrueux, que de tous estoient refuis. Car tous avoient le col tors, les pattes peines, les gryphes et ventre de Harpies, et les culs de Stymphalides, et n’estoit possible les exteiminer • pour un mort en avoloit vingt quatre. J’y souhaitois quelque second Hercules, pour ce que frere Jean y perdit le sens par vehemente contemplation, et à Pantagruel advint ce qu’estoit advenu à messire Priapus contemolant les sacrifices de Ceres, par faute de peau.
LIVRK V, CHAPITRE III
