COMMENT EN L’ISLE SONNANTE N'EST QU’UN PAPEGAUT

Lors demandasmes à maistre Aeditue, veu la multiplication de ces vénérables oiseaux en toutes leurs especes, pourquoy là n’estoit qu’un Papegaut. Il nous respondit que telle estoit l’institution première, et fatale destinée des estoiles ; que des Clergaux naissent les Prestregaux et Monagaux, sans compagnie charnelle, comme se fait entre les abeilles d’un jeune taureau accoustré selon l’art et pratique d’Aristeus. Des Prestregaux naissent les Evesgaux; d’iceux les beaux Cardingaux, et les Cardingaux, si par mort n’estoient prévenus, fmissoient en Papegaut, et n’en est ordinairement qu’un, comme par les ruches des abeilles n’y a qu’un roy, et au monde n’est qu’un soleil. Iceluy décédé, en naist un aultre en son lieu de toivîe la race des Cardingaux : entendez tousjours sans copulation charnelle. De sorte qu’il y a en ceste espece unité individuale, avec perpétuité de succession, ne plus ne moins qu’au phœnix d’Arabie. Vrayest qu’il y a environ de>ix mille sept cens soixante lunes que furent en nature deux Papegaux produits ; mais ce fut la plus grande calamité qu’on vist onques en ceste isle. « Car, disoit .Aeditue, tous ces oiseaux icy se pillèrent les uns les aultres, et s’entrepelauderent si bien ce temps durant que l’islc périclita d’estre spoliée de ses habitons. Part d’iceux adberoit à un, et le Süutenoit ; part à l’aidtre, et le defendoit ; demeureront part d’iceux muts comme poissons, et onques ne chantèrent, et part de ces cloches, comme interdicte, coup ne sonna. Ce séditieux temps durant, à leur secours évoquèrent empereurs, roys, ducs, marquis, monarques, comtes, barons et communautés du monde qui habite en continent et t(;rre ferme, et n’eut fin ce schisme et ceste sédition qu’un d’iceux ne fust tollu de vie, et la pluralité reduicte en unité, s

Puis demandasmes qui mouvoit ces oiseaux ainsi sans cesse chanter. Aeditue nous respondit que c’estoient les cloches pendantes au dessus de leurs cages. Puis nous dist : « Voulez vous que presentemeut je fasse chanter ces Monagaux que voyez là bardocuculés d’une chausse d’hypocras, comme une alouette sauvage? — De grâce, » respondismes nous. I.,ors sonna une cloche six coups seulement, et Monagaux d’accourir, et Monagaux de chanter. « Et si, dist Panurge, je sonnois ceste cloche, ferois je pareillement chanter ceux icy qui ont le pennage à couleur de haran soret ? — Pareillement, » respondit Aeditue.

Panurge sonna, et soudain accoururent ces oiseaux enfumés, et chan-

toient ensemblement ; mais ils avoient les voix rauques et malplaisantes. Aussi nous remonstra Aeditue qu’ils ne viioient que de poisson, comme les hérons et cormorans du monde, et que c’estoit une quinte espece de cagaux imprimés nouvellement Adjousta davantage qu’il avoif eu adverlissement par Robert Valbringue, qui par là, nagueres, estoit passé en revenant du pays d’Afrique, que bientost y devoit avoler une sexte ' espece, lesquels il nommoit Capucingaux, plus tristes,. plus maniaques et plus faschenx qu’espece qui fust en toute l’isle. « Afrique, dist Pantagruel, est coustumierc tousjours choses produire nouvelles et monstrueuses. J»