LIVRE 1, CHAPITRE XXIII

disoit par cueur, et y fondoil quelques cas practiques et concernens l’estât humain ; lesquelz ilz estciidoient aulcunes fois jusques deux ou trois heures; mais ordinairement cessoient lors qu’il estoit du tout habillé. Puis, par trois homies heures, lui estoit faicte lecture.

Ce faict, issüient hors, tousjours conférons des propos de la lecture, et se despurloient en Bracque, ou es prés, et jouoient à la balle, à la paulme, à la pile trigone, galanlement s’exercens les corps, comme ilz avoient les âmes auparavant exercé. Tout leur jeu n’estoit qu’en liberté ; car ilz laissoient la partie quand leur plaisoit ; et cessoient ordinairement lors que suoient parmy le corps, ou estoient aultrement las. Addnc estaient très bien essués et frottés, changeoient de chemise, et, doulcement se pourmenans, alloient voir si le disner estoit prest. Là attendans, recitoient clairement et eloquentement quelques sentences retenues de la leçon.

Ce pendant monsieur l’appetit venoit, et, par bonne opportunité, s’asséoient à table. Au commencement du repas, estoit leue quelque histoire plaisante des anciennes prouesses, jusques à ce qu’il eust prins son vin. Lors, si bon semblait, on continuoit la lecture ou commenceoient à deviser joyeusement ensemble, parlans, pour les premiers moys, de la vertu, propriété, efficace et nature de tout ce que leur estoit servy à table : du pain, du vin, de l’eau, du sel, des viandes, poissons, fruietz, herbes, racines, et de l’apprest d’icelles. Ce que faisant, apprint en peu de temps tous les passages à ce competens en Pline, Athenée, Dioscorides, Julius Pollux, Galen, Porphyre, Opian, Polybe, Heliodore, Aristoteles, Elian, et aultres. Iceux propos tenus, faisoient souvent, pour plus estre asseurés, apporter les livres susdicts à table. Et si bien et entièrement retint en sa mémoire les choses dictçs que, pour lors, n’estoit médecin qui en -sceust à la moitié tant comme il faisait. Après, devisoient des leçons leues au matin, et, parachevans leur repas par quelque confection de colonial, s’escuroit les dents avec un trou de lentisce, se lavoit les mains et les yeulx de belle eau fraische, et rendoienl grâces à Dieu par quelques beaux (•.antiques faicts à la louange de la munificence et bénignité divine.

Ce faict, on apportoit des chartes, non pour jouer, mais pour y apprendre mille petites gentillesses et inventions nouvelles, lesquelles toutes issoient de arithmétique. En ce moyen, entra en affection d’icelle science numérale, et, tous les jours après disner et souper, y passoit temps aussi plaisantement qu’il souloit en dez ou es chartes. A tant sceut d’icelle et théorique et praclique, si bien que Tunstal, Anglois, qui en avoit amplement escript, confessa que vrayement, en comparaison de luy, il n’y entendoit que le hault alcmant.

Et non seulement d’icelle, mais des aultres sciences mathématiques, '

GARGANTUA

coinnifi gt’omctrie, astronomie et musitjue. Car, altendans la concoction et digestion de son past, ilz faisoient mille joyeux intrumens et figures géométriques, et de mesmes pratiquoient les canons astronomiques. Apres, s’esbaudissoient à chanter musicalement à quatre et cinq parties, ou sus un llieme, à plaisir de gorge. Au reguanl des instrumens de musique, il .ipprinl jouer du lue, de l’espinette, de la harpe, de la flutte d’aleraant et h neuf trous, de la viole et de la sacquehoutle.

Ceste heure ainsi employée, la digestion parachevée, se purçeoit des excrcments naturels ; puis se remettoit à son estude principal par trois heures ou davantaige : tant à répéter la lecture matutinale qu’à poursuivre le livre entreprins, que aussi à escripre, bien traire et former les antiques et romaines lettres.

Ce faict, issoient hors leur hostel, avec eux un jeune gentilhomme de Touraine nommé l’escuyer Cymnaste, lequel luy monstroit l’art de chevalerie. Changeant donc de vestemens, montoit sus un coursier, sus ur rou-isin, sus un genet, sus un cheval harhe, cheval legicr; et luy donnoit cent quarrieres; le faisoit voltiger en l’air, franchir le fossé, saulter le palais, court tourner en un cercle, tant à dextre comme à senestre. lA rompoit, non la lance, car c’est la plus grande resverie du monde dire ;

« J’ay rompu dix lances en tournoy, ou en hataille; » un charpentier le feroit bien; mais louable gloire est d’une lance avoir rompu dix de ses •

ennemis. De sa lance donc asserée, verde, et roidc, rompoit un huis, enfonroit un harnois, aculoit une arbre, enclavoit un anneau, enlevoit une selle d’armes, un aubert, un gantelet. Le tout faisoit, anné de pied en cap.

Au reguard de fanfJter et faire les petits popismes sus un cheval, nul ne le fitmieulx que luy. Le voltigeur de Ferrare n’estoit qu’un singe en comparaison. Singulièrement estoit apprins à saulter hastivement d’un cheval sus l’aultre sans prendre terre, et nommoit on ces chevaux desuitoires; et, de chascun costé, la lance au poing, monter sans estriviers; et, sans bride, guider le cheval à son plaisir. Car telles choses servent à discipline militaire.

Un aultre jour, s’exerceoit à la hasche, laquelle tant bien croulloit, tant verdement de tous pics reserroit, tant soupplement avalloit en taille ronde, qu’il fut passé chevalier d’armes en campagne, et en tous essays.

Puis bransloit la picque, sacquoit de l’espée à deux mains, de i’espée bastardc, de l’espagnole, de la dague, et du poignard; armé, non armé, au boucler, à la cappe, à la rondelle.

Couroit le cerf, le chevreuil, l’ours, le daim, le sanglier, le lievre, la perdrix, le faisant, l’otarde. Jouoit à la grosse balle, et la faisoit bondir en l’air, autant du pied que du poing.

Lucloit, couroit, saultoit, non à trois pas un sault, non à cloche pied,