LIVRE I, CHAPITRE XXXIIl

et Malthe avec. Je voudrais bien que les plaisans chevaliers jadis Rho* dhicns vous résistassent, pour voir de leur urine ! — J'irois, dist Picro- / choie, voluntiers à Lorette. — Rien, rien, dirent ilz; ce sera au retour. I De prendrons Candie, Cypre, Rhodes, et les isles Cyclades, et donnerons sus d Morée. Nous la tenons. Sainct Treignan, Dieu gard Hierusalem ! car le Soudan n’est pas comparable à vostre puissance. — Je, dist il, feray donc bastir le teipple de Salomon? — Non, dirent ilz, encores J attendez un peu. Ne soyez jamais tant soubdain à vos entreprinses. >

a Sçavez vous que disoit Octaviaii Auguste? Ftstina lente. Il vous convient premièrement avoir l’Asie minor. Carie, Lycie, Pamphile, Celicie, Lydie, Phrygie, Mysie, Betune, Charazie, Satalie, Samagarie, Castamena, Luga, Savasta, jusques à Euphrates. — Verrons nous, dist Picrochole, Babylone et le mont Sinay? — Il n’est, dirent ilz, ja besoing pour ceste heure. N’est ce pas assez tracassé de avoir transfreté la mer Hircane, chevauché les deux Armenies et les trois Arables?

— Par ma foy, dist-il, nous sommes affollés. Ha, pauvres gens! — Quoy? dirent ilz. — Que boirons nous par ces'deserts? Car Julian Auguste et tout son ost y moururent de soif, comme l’on dit. — Nous, dirent ilz, avons ja donné ordre à tout. Par la mer Siriace, vous avez neuf mille quatorze grandes naufz, chargées des meilleurs vins du monde ; elles arrivent à Japhes. Là se sont trouvés vingt et deux cens mille chameaux, et seize cens elephans, lesquelz avez prins à une chasse environ Sigeilmes, lorsque entrastes en Libye, et d’abondant eustes toute la garavanne de la Mecha. Ne vous fournirent ilz de vin à suflisance? — Voire, mais, dist il, nous ne beusmes poinct frais. — Par la vertu, dirent ilz, non pas d’un petit poisson, un preux, un conquerent, un prétendant et aspirant à l'empire univers ne peut tousjours avoir ses aises. Dieu \ toit loué qu'estes venu, vous et vos gens, saufz et entiers jusques au fleuve du Tigre.

~ Mais, dist il, que faict ce pendant la part de nostre armée qui desconfit ce villain humeux Grandgousier ? — Hz ne chomment pas, dirent ilz; nous les rencontrerons tantost. Hz vous ont prins Bretaigne, Normandie, Flandres, Haynault, Brabant, Artoys, Hollande, Selande : ilz ont passé le Rhein par sus le ventre des Suisses et Lansquenets, et' part d'entre eux ont dompté Luxembourg, Lorraine, la Champaigne, Savoye jusques à Lyon . auquel lieu ont trouvé vos garnisons retournans des conquesles navales de la mer Mediterranée. Et se sont réassemblés en Büheine, après avoir mis à sac Soneve, Wuitemberg, Bavieres, Austriche, Moravie, et Stirie. Puis ont donné flerement ensemble sus Lubek, Nor- >vergi!, Sweden Rich, Dace, Gotthie, Engroneland, les Esirelins, jusques

Digilizcd by Goo^lc

GARGANTUA

à la mer Glaciale. Ce faîct, conqucsterent les isles Orchadcs, et subjuguèrent Escossc, Angleterre et Irlande. De là, navigans par la mer sabuleuse et par les Sarmates, ont vaincu et dompté Prussie, Polonie, Litbuanie, Rusoie, Valacliic, la Transsilvane, Hongrie, Bulgarie, Tutquie, et sont à Constantinoble. — Allons nous, dist Picrochole, rendre à eux le plus tost, car je veulx estre aussi empereur de Trebizonde. ^

« Ne tuerons nous pas tous ces chiens Turcs et Mahumctisles? — Que diable, dirent ilz, ferons nous donc? Et donnerez leurs biens et terres à ceux qui vous auront servy honnestement. — La raison, dist il, le veult, c’est équité. Je vous donne la Carmaigne, Surie, et toute la Palestine. T- Ha, dirent ilz, sire, c’ést du bien de vous, grand mercy. Dieu vous face bien tousjours -prospérer. »

lii présent estoit un vieux gentil homilie, esprouvé en divers bazars, et vray routier de guerre, nommé Echephron, lequel, oyant ces propos, dist: « J'ay grand peur que toute ceste entreprinse sera semblable à la farce du pot au laict, duquel un cordouanier se faisoit riche par resverie ; puis le pot cassé, n’eut de qnoy disner. Que prétendez vous par ces belles conques* les? Quelle sera la fin de tant de travaux et traverses? — Ce sera, dist Picrochole, que nous, retournés, reposerons à nos ai.scs. » Dont dist Echephron : « Et si par cas jamais n’en retournez ? Car le voyage est long et périlleux. N’est ce miculx que des maintenant nous reposons, sans nous mettre en ces bazars ? — O ! dist Spadassin, par Dieu, voicy un beau resveux ; mais allons nous cacher au coing de la cheminée : et là passons avec les dames nostre vie et nostre temps à enfiler des perles, ou à filer comme Sardanapalus. Qui ne s’adventure n’a cheval ny mule, ce dist Salo.Tion. — Qui trop, dist Echephron, s’advenlure — perd cheval et mule, respondit Malcon.

— Baste, dist Picrochole, passons oultre. Je ne crains que ces diables de légions de Grandgousler ; ce pendant que nous sommes en Mésopotamie, s’ilz nous donnoient sus la queue, quel remede? — Très bon, dist .Merdaiile, une belle petite commission, laquelle vous envoirez aux Moscovites, vous mettra en camp pour un moment quatre cens cinquante mille (•(imbattans d’eslitc. O si vous m’y faites vostre lieutenant, je tuerois un pigne pour un mercier ! Je mors, je rue, je frappe, j’attrape, je tue, je renie. — Sus, sus, dist Picrochole, qu’on despesche tout, et qui m’aime si me suive. »