COUUENT GARGANTUA LAISSA LA VILLE DE PARIS POUR SECOURIR SON PAYS
ET COHHENT GYHNASTE RENCONTIU LES ENNE^
En ceste mesmes heure, Gai^antua, qui estoitissu de Paris soubdain les lettres de son pere leues, sus sa grande jument venant, avoit ja passé le pont de la Nonnain, iuy, Ponocrates, Gymnaste et Eudemon, lesquels pour le suivre avoient prins chevaux de poste ; le reste de son train venoit à justes journées, amenant tous ses livres et instrument philosophique. Luy arrivé à Parillé, fut adverty, par le mestayer de Gouguet, comment Picrochole s’estoit rcmparé à la Roche Clermaud, et avoit envoyé le capitaine Tripet, avec grosse armée, assaillir le bois de Vede etVaugaudry ; ctqu’ilz avoient couru la poulie jusques au pressouer Billard ; et que c'estoit chose estrange et difficile à croire des exces qu’ilz faisoient par le pays : tant qu’il luy fit peur, et ne sçavoit bien que dire ny que faire.
Mais Ponocrates lui conseilla qu’ilz se transportassent vers le seigneur de la Vauguyon, qui de tous temps avoit esté leur amy et confédéré, et par luy seroient mieulx advisés de tous affaires : ce qu’ilz firent incontinent, et le trouvèrent en bonne deliberation de leur secourir. El fut d’opinion qu’il envoiroit quelqu’un de ses gens pour descouvrir le. pays, et sçavoir en quel estât estoient les ennemis, afin d’y procéder par conseil prins selon la forme de l’heure présente. Gymnaste s’offrit d’y aller ; mais il fut conclud que, pour le meilleur, il menast avec soy quelqu’un qui cogneust les voyes et destorses, et les rivières de là entour.
Adonc partirent luy et Prelinguand, escuyer de Vauguyon, et, sans effroy, espierent de tous costés. Ce pendant Gaigantua se refraisebit, et repeut quelque peu avec ses gens, et fit donner à sa jument un picotin d’avoine, c’estoient soixante et quatorze muiz, trois boisseaux.
Gymnaste et son compaignon tant chevaucheront qu’ilz rencontrèrent les ennemis tous espars, et mal en ordre, pillans et desrobans tout ce qu’ilz pouvoient , et, de tant loing qu’ilz l’appcrccurent, accourrurent sus luy à la foulle pour le destrousser. Adonc il leur cria : « Messieurs, je suis pauvre diable ; je vous requiers qu’ayez de moy mcrcy. J’ay cncores quelque cscu, nous le boirons, car c’est aurum potabile ; et ce cheval icy .sera vendu pour payer ma bienvenue : ccla.faict, retenez moy des vostres, car jamais homme ne sceut mieulx prendre, larder, rouslir et aprester, voire, par Dieu ! demembrer, et gourmander poulie que moy qui suis icy ; et pour mon proficiat, je boy à tous bons compaignons. » Lors descoa-
GARGANTUA
vrit sa ferriere, et, sans mettre le nez dedans, beuvoit assez honnestemont. Les maroufles le regardoiont, ouvrans la gueule d'un grand pied, et lirans les langues comme lévriers, en attente de boire après ; mais Tripet le capitaine sus ce poinct accourut voir que c’estoit. A luy Gymnaste offrit sa bouteille, disant ; « Tenez, capitaine, beuvez en hardiment ; j’en ay faict l’essay, c'est vin de la Faye Moniau — Quny ! dist Tripet, ce gaultier icy se gabele de nous. Qui es tu ? — Je suis, dist Gvmnaste, pauvre diable. — Ha, dist Tripet, puis que tu es pauvre diable, c’est raison que passes" oultre, car tout pauvre diable passe par tout sans péage ny gabelle; mais ce n’est de coustume que pauvres diables soient si bien montés ; pourtant, monsieur le diable, descendez, que j’aye le coussin : et, si bien il ne me porte, vous, maistre diable, me porterez, car j’aime fort qu’un diable tel m’emporte... »
