CHAPITRE XXXV
COXltENT GYVNASTB 80CPPLE1IE.NT TUA LE CAPITAINE TlUPET ET AULTRES ÜENS
DE PICBOCHOLE
Les motz entenduz, aulcuns d’entre eux commencèrent avoir frayeur, et se seignoient de toutes mains, pensans que ce fust un diable desguisé. Et quelqu’un d’eux, nommé Bon Joan, capitaine des franctopins, tira ses heures de sa braguette, et cria assez hault ; « "Aytoî ô 0edî ! Si tu es de Dieu, si parle ; si tu es de l’aultre, si t’en va. » Et pas ne s’en allait : ce que entendirent plusieurs de la bande, et departoient de la compaignie ; le tout notant et considérant Gymnaste. Pourtant fit semblant descendre de cheval, et, quand fut pendant du coslé du montouer, fit souppleracnt le tour de l'cstriviere, son espée bashirde au costé, et, par dessous passé, se lança en l’air, et se tint des deux pieds sus la selle, le cul tourné vers la teste du cheval. Puis dist : « Mon cas va au rebours. » .Adonc, en tel poinct qu’il estoit, fit la gambade sus un pied, et, tournant h senestre, ne fallit onques de rencontrer sa propre assiette sans en rien varier. Dont dist Tripet : « Ha, ne feray pas cestuy là pour ceste heure, et pour cause. — Bren, dist Gymnaste, j’ay failly ; je vais défaire cestuy sault. » Lors, par grande force et agilité, fit, en tournant à dextre, la gambade comme davant. Ce faict, mit le pouice de la dextre sus l'arson de la selle, et leva tout le corps en l’air, se soustenant tout le corps sus le muscle et nerf dudict pouice ; et ainsi se tourna trois fois ; à la quatriesme, se renversant tout le corps sans à rien toucher se guinda entre les deux oreilles <hi cheval, soudant tout le corps en l’air sus le pouice de la senestre ; et, en cest estât, fit le tour du moulinet ; puis, frappant du plat de la main dextre sus le
70 LIVRE I , CHAPITRE XXXVl
milieu de la selle, se donna tel branle qu’il s’assist sus la crope, comme font les damoiselles.
Ce faict, tout à l’aise passa la jambe droite par sus la selle, et se mit en es-tat de clievaucheur, sus la crope. « Mais, distil, mieulx vault que je me mette entre les arsons. n Adonc, s’appuyant sus les poulces des deux mains à la crope devant soy, se renversa cul sus teste en l’air, et se trouva entre les arsons en bon maintien ; puis, d’un sobresault, se leva tout le corps en l’air, et ainsi se tint pieds joincts entre les arsons, et là tournoya plus de cent tours, les bras estendus en croix, et crioit ce faisant à haulle voix ; 0 J’enrage, diables, j’enrage, j’enrage ; tenez moy, diables» tenez raoy, tenez. »
Tandis qu’ainsi voltigeoil, les maroufles, en grand esbahissement, disoient l’un à l’aultre : a Par la merdé, c’est un lutin, ou un diable ainsi déguisé. A b hoste maligno libéra nos, Domine ! i Et s’en fuyoienl à la route, regardons derrière soy, comme un chien qui emporte un plumail.
l>ors Gymnaste, voyant son advantaige, descend de cheval, desgaine son espéc. et à grands coups chargea sur les plus huppés, et les ruoit, à grands monceaux, blessés, navrés, et meurtris, sans que nul luy resistast, pensons que ce fust un diablée affamé, tant par les merveilleux voltigemens qu’il avoit faict, que par les propos que luy avoit tenu Tripet, en l’appelant pauvre diable. Sinon que Tripet, en trahison, luy voulut fendre la cervelle de son espée lansquenette ; mais il estoit bien armé, et de cestuy coup ne se^itit que le chargement ; et soubdain se tournant, lança un estoc volant audict Tripet, et, ce pendant qu’iceluy se couvroit en hault, luy tailla d’un coup l’estomac, le colon, et la moitié du foye ; dont tomba par terre, et tombant rendit plus de quatre potées de soupes, et l’ame meslée parmy les soupes.
Ce faict. Gymnaste se retire, considérant que les cas de hazart jamais ne fault poursuivre jusques à leur période : et qu’il convient à tous chevaliers reverentement traicter leur bonne fortune, sans la molester ny gehenner. Et, montant sus son cheval, luy donne des espérons, tirant droict son chemin vers la Vauguyon, et Prelinguand avec luy.
