I. Otage, garant. — 2. Jointures. — 3. Suave

Echo, parlant quant bruyt on maine Dessus rivière ou sus estan, Qui beauté ot trop plus qu'humaine.

Mais où sont les neiges d'antan ' !

Où est la très sage Helloïs, Pour qui fut chastré et puis moyne Pierre Esbaillart à Saint-Denis ?

Pour son amour ot cest essoyne ^ .

Semblablement où est la royne Qui commanda que Buridan Fust geté en ung sac en Saine ?

Mais où sont les neiges d'antan !

La royne Blanche comme lis, Qui chantoit à voix de seraine 3 ; Berte au grant pié, Bietris, Allis; Haremburgis qui tint le Maine, Et Jehanne, la bonne Lorraine, Qu'Englois brûlèrent à Rouan; Où sont elles, Vierge souvraine?...

Mais où sont les neiges d'antan !

Envoi

Prince, n'enquerez de sepmaine Où elles sont, ne de cest an.

Que ce reffrain ne vous remaine.

Mais où sont les neiges d'antan !

I. Antaa, de l'année passée. — 2. Peine, douleur. — 3. Sirèns

Ballade des Seigneurs du temps Jadis

Suyvant le propos précèdent.

QUI plus? Où est le tiers Calixte, Dernier decedé de ce nom, Qui quatre ans tint le papaliste ^ ?

Alphonce, le roy d'Arragon, Le gracieux duc de Bourbon, Et Artus, le duc de Bretaigne, Et Charles septième, le Bon?...

Mais où est le preux Charlemaigne !

Semblablement, le roy Scotistè, Qui demy face ot, ce dit on, Vermeille comme une amatiste ^ Depuis le front jusqu'au menton ?

Le roy de Chippre, de renom ; Hélas ! et le bon roy d'Espaigne Duquel je ne sça}^ pas le nom?...

Mais où est le preux Charlemaigne !

D'en plus parler je me désiste.

Ce monde n'est qu'abusion.

Il n'est qui contre mort résiste, Ne qu'y treuve provision.

Encor fais une question :

Lancelot, le roy de Behaigne 3 , Où est-il? Où est son tayon4?...

Mais où est le preux Charlemaigne !