Chapitre V

uis entrèrent en propos de resieuner on propre lieu.

Lors flaccons d'aller, jambons de troter, goubeletz de voler, breusses de tinter :

— « Tire ! — Baille ! — Tourne ! — Brouille ! — Boutte à moy sans eau ; ainsi, mon amy. — Fouette moy ce verre gualentement ! — Produiz moy du clairet, verre pleurant. — Trêves de soif! — Ha, faulse fiebvre, ne t'en iras tu pas? — Par ma fy, ma commère, je ne peuz entrer en bette. — Vous estez morfondue,

m'amie? — Voire. — VentresainctQenet! parlons de boire. — Je ne boy que à mes heures, commela mulle du pape. — Je ne boy que en mon bréviaire, comme un beau père guardian. — Qui feut premier, soif ou beuverye ? — Soif, carqui eust beu sanssoif durant le tempsde innocence? — Beuverye car privatiopresupponithabitum. Je suis clerc.

Fœcundi calices queni non fecere disertum ?

— Nousaultresinnocens nebeuvonsque trop sans soif. — Non moy, pécheur, sans soif, et, si non présente, pour le moins future, la prevenent comme entendez. Je boy pour la soif advenir. Je boy éternellement. Ce m'est éternité de beuverye, et beuverye de éternité. — Chantons, beuvons, un motet entonnons ! — Où est mon entonnoir? — Quoy ! Je ne boy que par procuration ! — Mouillez vous pour seicher, ou vous seichez pour mouiller ? — Je n'entens poinct la theoricque; de la praticque je meayde quelque peu. — Haste! — Je mouille, je humecte, je boy, et tout de peur de mourir. — Beuvez tousjours, vous ne mourrez jamais. — Si je ne boy, je suys à sec, me voylà mort. Mon ame s'en fuyra en quelque grenoillere. En sec jamais l'ame ne habite. — Somelliers, ô créateurs de nouvelles formes, rendez moy de non beuvant beuvant ! — Perannité de arrousement par ces nerveux et