Chapitre XLIV

g moyne, les voyant ainsi départir en desordre, conjectura qu'ilz alloient charger sus Gargantua et ses gens, et se contristoit merveilleusement de ce qu'il ne les povoit secourir. Puis advisa la contenance de ses deux archiers de guarde, lesquelz eussent voluntiers couru après la troupe pour y butiner quelque chose et tousjours regardoient vers la vallée en laquelle ilz descendoient. Dadvantaige syllogisoit, disant: « Ces gens icysont bien mal exercez en faictz d'armes, car oncques ne me ont demandé ma foy et ne me ont ousté mon braquemart. »

Soubdain après tyra son dict braquemart et en ferut l'archier qui le tenoit à dextre, luy

coupant entièrement les venes jugulaires et artères spagitides du col, avecques le guarguareon, jusques es deuxadenes, et, retirant le coup, luy entreouvrit le mouelle spinale entre la seconde et tierce vertèbre : là tomba l'archier tout mort. Et le moyne, détournant son cheval à gauche, courut sus l'aultre, lequel, voyant son compaignon mort et le moyne advantaigé sus soy, cryoit à haulte voix :

— Ha, Monsieur le Priour, je me rendz î Monsieur le Priour, mon bon amy, Monsieur le Priour ! »

Et le moyne cryoit de mesmes :

ce Monsieur le Posteriour, mon amy, Monsieur le Posteriour, vous aurez sus vos posteres.

— Ha !(disoit l'archier) Monsieur le Priour, mon mignon, Monsieur le Priour, que Dieu vous face abbé !

— Par l'habit (disoit le moyne) que je porte, je vous feray icy cardinal. Rensonnez vous les gens de religion ? Vous aurez un chapeau rouge à ceste heure de ma main . »

Et l'archier cryoit :

« Monsieur le Priour, Monsieur le Priour, Monsieur l'Abbé futur, Monsieur le Cardinal, Monsieur le tout ! Ha ! ha ! hés ! non, Monsieur le Priour, mon bon petit Seigneur le Priour, je me rends à vous !

— Et je te rends (dist le moyne) à tous les diables. »