CHAPITRE XLIV

Lors d'un coup luy tranchit la teste, luy coupant le test sus les os petrux, et enlevant les deux os bregmatis et la commissure sagittale avecques grande partie de l'os coronal, ce que faisant luy tranchit les deux méninges et ouvrit profondement les deux postérieurs ventricules du cerveau ; et demoura le craine pendent sus les espaules à la peau du pericrane par derrière, en forme d'un bonnet doctoral, noir par dessus, rouge par dedans. Ainsi tomba roidde mort en terre.

Ce faict, le moyne donne des espérons à son cheval et poursuyt la voye que tenoient les ennemys, lesquelz avoient rencontré Gargantua et ses compaignons au grand chemin et tant estoient diminuez au nombre, pour l'énorme meutre que y avoit faict Gargantua avecques son grand arbre, Gymnaste, Ponocrates, Eudemon et les aultres, qu'ilz commençoient soy retirer à diligence, tous effrayez et perturbez de sens et entendement comme s'ilz veissent la propre espèce et forme de mort davant leurs yeulx.

Et — comme vous voyez un asne, quand il a au cul un œstre Junonicqueou une mouche qui le poinct, courir çà et là sans voye ny chemin, gettant sa charge par terre, rompant son frain et renés, sans aulcunement respirer ny prandre repos, et ne sçayt on qui le meut, car

Ton ne veoit rien qui le touche, — ainsi fuyoient ces gens, de sens desprouveuz, sans scavoir cause de fuyr ; tant seulement les poursuit une terreur panice laquelle avoient conceue en leurs âmes.

Voyant le moyne que toute leur pensée n'estoit sinon à guaigner au pied, descend de son cheval et monte sus une grosse roche qui estoit sus le chemin, et avecques son grand braquemart frappoit sus ces fuyars à grand tour de bras, sans se faindre ny espargner. Tant en tua et mist par terre quesonbraquemart rompit en deux pièces. Adoncques pensa en soy mesmes que c'estoit assez massacré et tué, et que le reste debvoit eschapper pour en porter les nouvelles.

Pourtant saisit en son poing une hasche de

ceulx qui là gisoient mors et se retourna dere-

chief sus la roche, passant temps à corps fouyr

les ennemys et cullebuter entre les corps mors,

excepté que à tous faisoit laisser leurs picques,

espées, lances et hacquebutes; et ceulx qui

portoient les pèlerins liez, il les mettoit

à pied et delivroit leurs chevaulx

audictz pèlerins, les retenent

avecques soy l'orée de la

haye,etToucquedillon,

lequel il retint

prisonnier.

Comment le moyne amena les pèlerins

et les bonnes parolles que leur

dist Grandgousier.