Chapitre I

[e vous remects à la grande chronicquePantagrueline recongnoistre la généalogie et antiquité dont nous est venu Gargantua. En icelle vous entendrez plus au long comment les geands nasquirent en ce monde, et comment d'iceulx, par lignes directes, yssit Gargantua, père de Pantagruel, et ne vous faschera si pour le présent je m'en déporte, combien que la chose soit telle que, tant plus seroit remembrée, tant plus elle plairoit à voz Seigneuries ; comme vous avez l'autorité de Platon, in Pbilebo et Gorgias, et de Flacce, qui dict estre aulcuns propos, telz que ceulxcy sans doubte, qui plus sont délectables quand plus souvent sont redictz.

Pieust à Dieu qu'un chascun sceust aussi certainement sa généalogie, depuis l'arche de

Noë jusques à cest eage ! Je pense que plusieurs sont aujourd'huy empereurs, roys, ducz, princes et papes en la terre, lesquelz sont descendiez de quelques porteurs de rogatons et de coustretz, comme, au rebours, plusieurs sont gueux de l'hostiaire, souffreteux et misérables, lesquelz sont descenduz de sang et ligne de grandz roys et empereurs, attendu l'admirable transport des règnes et empires :

des Assyriens es Medes,

des Medes es Perses,

des Perses es Macedones,

des Macedones es Romains,

des Romains es Grecz,

des Grecz es Françoys.

Et, pour vous donner à entendre de moy qui parle, je cuyde que soye descendu de quelque riche roy ou prince au temps jadis; car oncques ne veistes homme qui eust plus grande affection d'estre roy et riche que moy, affin de faire grand chère, pas ne travailler, poinct ne me soucier, et bien enrichir mes amys et tous gens de bien et de sçavoir. Mais en ce je me reconforte que en l'aultre monde je le seray, voyre plus grand que de présent ne l'auseroye soubhaitter. Vous en telle ou meilleure pensée reconfortez vostre malheur, et beuvez fraiz, si faire se peut.

Retournant à noz moutons, je vous dictz