CHAPITRE VIII

porteroient quelque jour malencontre à leurs tonduz.

Pour son plumart pourtoit une belle grande plume bleue, prinse d'un onocrotal du pays de Hircanie la saulvaige, bien mignonement pendente sur l'aureille droicte.

Pour son image avoit, en une platine d'or pesant soixante et huyt marcs, une figure d'esmail compétent, en laquelle estoit pourtraict un corps humain ayant deux testes, l'une virée vers l'autre, quatre bras, quatre piedz et deux culz, telz que dict Platon, in Symposio, avoir esté l'humaine nature à son commencement mystic, et autour estoit escript en lettres Ioniques : AFATIH OY ZHTEI TA EATTH2.

Pour porter au col, eut une chaine d'or pesante vingt et cinq mille soixante et troys marcs d'or, faicte en forme de grosses bacces, entre lesquelles estoient en oeuvre gros jaspes verds, engravez et taillez en dracons tous environnez de rayes et estincelles, comme les portoit jadis le roy Necepsos ; et descendoit jusque à la boucque du hault ventre: dont toute sa vie en eut l'émolument tel que sçavent les médecins Gregoys.

Pour ses guands furent mises en œuvre seize peaulx de lutins, et troys de loups guarous pour la brodure d'iceulx; et de telle matière luy feurent faictz par l'ordonnance des cabalistes de Sainlouand.

Pour ses aneaulx (lesquelz voulut son père qu'il portast pour renouveller le signe antique de noblesse) il eut, au doigt indice de sa main gauche, une escarboucle grosse comme un œuf d'austruche, enchâssée en or de seraph bien mignonement. Au doigt médical d'icelle eut un aneau faict des quatre metaulx ensemble en la plus merveilleuse façon que jamais feust veue, sans que l'assierfroisseast l'or, sans que l'argent foullast le cuyvre; le tout fut faict par le capitaine Chappuys et Alcofribas, son bon facteur. Au doigt médical de la dextre eut un anneau faict en forme spirale, auquel estoient enchâssez un balay en perfection, un diament en poincte, et une esmeraulde de Physon, de prix inestimable, car Hans Carvel, grand lapidaire du roy de Melinde, les estimoit à la valeur de soixante neuf millions huyt cens nonante et quatre mille dix et huyt moutons à la grande laine; autant l'estimèrent les Fourques d'Auxbourg.

L'jonocroul.

Les couleurs et livrée de Gargantua.