CHAPITRE IX
En pareilles ténèbres sont comprins ces glorieux de court et transporteurs de noms, lesquelz, voulens en leurs divises signifier espoir, font protraire une sphère, des pennes d'oiseaulx pour poines, de ïancholie pour melancholie, la Inné bicorne pour vivre en croissant, un banc rompu pour bancque roupie, non et un alcret pour non durhabit, un lict sans ciel pour un licentié, que sont homonymies tant ineptes, tant fades, tant rusticques et barbares, que l'on doibvroit atacher une queue de renard au collet et faire un masque d'une bouze de vache à un chacun d'iceulx qui en vouldroit dorénavant user en France, après la restitution des bonnes lettres.
Par mesmes raisons (si raisons les doibz nommer et non resveries) ferois je paindre un penier, dénotant qu'on me faict pener; et un pot à moustarde, que c'est mon cueur à qui moult tarde\ et un pot à pisser, c'est un officiai', et le fond de mes chausses, c'est un vaisseau de pel% ; et ma braguette, c'est le greffe des arrest^', et un estront de chien, c'est un tronc de céans, où gist l'amour de m'amye.
Bien aultrement faisoient en temps jadis les saiges de Egypte, quand ilz escripvoient par lettres qu'ilz appelloient hiéroglyphiques, lesquelles nul n'entendoit qui n'entendist et un chascun entendoit qui entendist la vertu, propriété et nature des choses par icelles figurées,
desquelles Orus Apollon a en grec composé deux livres, et Polyphile au Songe d'Amours en a davantaige exposé. En France vous en avez quelque transon en la devise de Monsieur l'Admirai, laquelle premier porta Octavian Auguste.
Mais plus oultre ne fera voile mon equif
entre ces gouffres et guez mal plaisans : je
retourne faire scale au port dont suis yssu.
Bien ay je espoir d'en escripre quelque jour
plus amplement, et monstrer, tant par raisons
philosophiques que par auctoritez receues et
approuvées de toute ancienneté, quelles et
quantes couleurs sont en nature, et quoy
par une chascune peut estre désigné,
— si Dieu me saulve le moulle
du bonnet, c'est le pot au
vin, comme disoit ma
mère grand.
De ce qu'est signifié par les couleurs blanc et bleu.
