Chapitre X

e blanc doncques signifie joye, soûlas et liesse, et non à tort le signifie, mais à bon droict et juste tiltre, ce que pourrez vérifier si, arrière mises vos affections, voulez entendre ce que présentement vous exposeray.

Aristoteles dict que, supposent deux choses contraires en leur espèce, comme bien et mal, vertu et vice, froid et chauld, blanc et noir, volupté et doleur, joye et dueil, et ainsi de aultres, si vous les coublez en telle façon q'un contraire d'une espèce convienne raisonnablement à Tun contraire d'une aultre, il est conséquent que l'autre contraire compete avecques l'autre résidu. Exemple : vertus et vice sont contraires en une espèce; aussy sont bien et mal ; si l'un des contraires de la première espèce convient à l'un de la seconde, comme vertus et

bien, car il est sceut que vertus est bonne, ainsi feront les deux residuz qui sont mal et vice, car vice est maulvais.

Ceste reigle logicale entendue, prenez ces deux contraires : joye et tristesse, puis ces deux: blanc et noir, car ilz sont contraires physicalement; si ainsi doncques est que noir signifie dueil, à bon d roi et blanc signifiera joye.

Et n'est ceste signifiance par imposition humaine institué, mais receue par consentement de tout le monde, que les philosophes nomment jus gentium , droict universel, valable pour toutes contrées.

Comme assez sçavez que tous peuples, toutes nations — je excepte les antiques Syracusans et quelques Argives qui avoient l'ame de travers, — toutes langues, voulens exteriorement demonstrer leur tristesse, portent habit de noir, et tout dueil est faict par noir. Lequel consentement universel n'est faict que nature n'en donne quelque argument et raison, laquelle un chascun peut soubdain par soy comprendre sans aultrement estre instruict de personne, — laquelle nous appelions droict naturel.

Par le blanc, à mesmes induction de nature, tout le monde a entendu joye, liesse, soûlas, plaisir et délectation.

Au temps passé, lesThraces et Crêtes signoient les jours bien fortunez et joyeux de pierres