RH

ment et comme par une loy fondée en une longue usance, les conseilliers qui ont servi actuellement vint ans, se demettant et resignant leurs ofhces, retienent, par rescript du prince et comme chose qui leur est deue, leur entrée et voix deliberative. Il est certain que ledit Pichon n’ayant servy actuellement vint ans, ne pourroit jouyr de ce benefice si le Roy, par un otroy favorable et indulgence speciale, ne le vouloit dispenser du temps du service. Car le temps de son service ne lui ottroye point ce privilège et sa restitution, qui ne l’absout point, qui ne le restablit point plainement, qui ne porte et contient nul tesmoignage d'honneur, de merite et d’innocence, ne le remet et restitue, tant s’en fault, au degré qu’il pourroit avoir acquis, s’il eust tousjours servy, que non mesme à celuy là qu’il obtenoit lors de son interdiction.

Si donc ledit sieur de Pichon ne seroit recevable à jouyr du privilège de ceus qui ont servy actuellement vingt ans, encore moins pourroit il pretendre de preceder ceulx qui ont servy vingt et cinq ans et plus. Tout juge prudent et bien consideré et se reglantau niveau de la loy et de la raison etla posant tousjours comme ung fondement bien certain et stable de son opinion, acquiescera bien voulontiers à ce quy a esté cy devant discouru. Mais combien sont plus grandes, plus fortes et plus rehaussées les considerations qui sont toutes pures publicques et qui decoulent, comme d’une vive source, du bien du service du roy, de sa justice, de l’honneur, candeur : et integrité de ce Parlement, auquel il ne faut imposer, s’il est possible, nulle tache qui soit inefaceable. Si le sieur de Pichon est remis au rang de troiziesme conseillier qu’il pretend ceans, il aviendra souvant, comme on le veoit avenir ordinairement, que, par l’absance, indisposition ou recusation de messieurs les presidantz et les deus conseilliers plus anciens, il presidera tant en la chambre du conseil qu’en l’audiance. Ce théatre et ceste saincte et grave pompe exterieure de la justice qui doit reluyre d’honeur et de majesté de toutes partz aura elle ung chef non seulement honteusement condempné, mais aus{s]i honteusement restitué ? Ledit de Malvyn ne veut point parler des causes de sa condempnation ny pareillement de celles de sa restitution ; il veut feindre et le veut croire qu'il soit très innocent. Ce neantmoins, en ceste diffamation publicque qui a prins pié dix ou douze ans, soit qu'elle soit justement ou bien autrement conceue, et qui vit et respire encore en l’opinion du peuple, et qui est escrite comme en grosses lettres et capitales en l’arrest qu’il pretend avoir obtenu de sa justification, est-il expediant qu’il soit à la teste d’une compagnie entière et religieuse ? prononçant les oracles de la vie ou de