Mots barrés : ef qui doit estre telle

la mort, de l’honneur et de l’infamie, du merite ou demerite, droitz, biens et facultés d’ung chascun ? Si d'aventure, lors qu’il sera presidant en audiance publicque, il s’agit de lexaction ou concussion ou quelque mauvais debvoir d’ung advocat ou procureur qui soit present :au barreau et qu’il soit besoing sur le champ en faire quelque remonstrance et en statuer selon la severité des lois, de quel front, de quelle autorité, de quelle voix pourra il censurer ou reprimer le vice, inciter les plus tardifz à l'honeur et à la vertu, réstablir par la gravité et innocence de sa vie et de sa parole la severité des lois anciennes et la discipline du palais ?

Ne prophanons point une chose si sacrée que les ministres de la justice. Les pièces et les membres en doibvent estre beaulx etau dedans et au dehors, et singulièrement les chefz doibvent, s’il est possible, non seulement se revestir d'honneur et de dignité, mais aussi en faire part à toute ceste suyte qui va après eulx. Leur preudhomie et suffisance les doit relever etillustrer par dessus toute la compagnie, voire mesmes que la lumière de leur vertu doit faire comme ung grand jour à l’entour de ceus qui les acompaignent, quelque obscurité qu’il y puisse avoir en leur vie ou deffaut en leur suffisance. La justice est une vierge pudique et non souillée; il n’en fault point prostituer la reputation. C’est le vray temple d'humanité et de religion qu’il ne faut point polluer. Il faut que tout juge et mesmement chef de compaignie ? souveraine porte comme escripte en son front et en sa vie ces belles marques d'honneur dont Horace en quelque lieu a qualifié ung juge incorrompu et bien loing de ces basses, honteuses et sordides mesnageries de la justice. Les sceptres des roys sont apuyés et honorés par la justice, et de ceste justice les parlementz en sont les colomnes. Vous leur ostés les soubassementz, sy les chefz et les principaulx ministres d’icelle sont couvertz de honte et d’infamie et partant contemptibles au peuple. Les liaisons, les ressortz et les enchesnementz du peuple avec le roy se font par le moyen d’icelle5, laquelle, venant à perdre la reverance qu’elle doit avoir envers les subjets4, on sçait que la majesté du prince n’en est point si respectée et si redoutable. Les malheurs du siècle d’aujourd’huy n’en sont que trop fidèles et irreprochables tesmoings. Quelcun disoit que le senat romain luy sembloit estre une assemblée de rois. On sera bien loing de parler ainsi de cestu[1]cy, lors qu’il paroistra en public ledit de Pichon y tennant lieu de presidant. Le tiltre le plus commun que l’on atribue aulx senats qui sont souverains ÿ non seulement de ce temps icy,