réd. : chef de justice
. 1° réd. : de la justice.
. 1° réd. : envers le peuple.
. °réd. : aulx compagnies souveraines.
Un Lys
CoURTEAULT. 9
mais de la memoire de toutz les eages passés, c’est la saincteté et lintegrité, pour ce que les pièces qui les composent doibvent estre personnes graves, sainctes, sevères, comblées de suffisance, de doctrine et d’integrité. Nous sommes comme les gardiens et les tresoriers des lois divines et humaines. Le roy nous a consigné ce depost. C’est bien à la Cour d’aviser quelles’ personnes elle reçoit, et en quel lieu et en quel rang, pour en estre les depositaires. Et quant il seroit ainsi que le dedans de nostre parlement ne fut partout : orné de si vifves clartés comme il seroit desirable, si est-ce qu’il est requis que le dehors et apparance en soit belle et specieuse et n’ayt nulle difformité notable. La justice est la règle de tous les aultres estatz. Sielle se plie et se courbe, à quel modelle pourra on redresser ce qui sera oblique et tourtu ? Ne fournissons point à Penvie et à la calomnie les argumentz pour mesdire de l’honeur de ce parlement : ce ne seroit que luy bailler trop d'avantage si l’on voyoit en public? ledit Pichon estre au premier lieu et plus eminent de ceste compaignie. On sera loing de ce danger si on luy baille place ceans selon le temps de son service. Ce sera tousjours quelque mal; mais le mal en sera beaucoup moindre.
Et s’il croyoit ses amys et bienveuillans, ainsi que ledit de Malvyn l’a ouy dire, ledit de Pichon se contenteroit de l’honeur qu’il a d’estre restably et cercheroit bien tost ung successeur ou resignataire. La Cour en ordonnera ce qu’illuy plaira ; mais ledit de Malvyn ne veut jamais parler ceans, si Phon-: neur et la dignité de la justice ne le touche beaucoup plus que toutes aultres considerations. Il ne parle point comme partie, car il declaire de rechef qu’il ne l’est et ne le veut estre. Il en parle seulement comme conseillier de ceans, zelateur du service du roy, de la decence et honneur de ceste compaignie. L'affaire est si important qu'il merite que la Cour y avise et y donne ung bon et digne reiglement d’elle et dont l’exemple puisse parvenir à noz successeurs et servir de loy et de monument honorable de nostre integrité. Il ne veut recuser personne, bien qu’il y ayt dix ou douze de messieurs les presidantz et conseilliers ceans recuzés en ses causes, et ne veut tenir recusés en ceste proposition les plus proches parens et alliés dudit sieur de Pichon. Bien desireroit il que s’il y avoit lieu de recusations, que messieurs d’Alesme l’aisné, lequel l’a recuzé en toutes ses causes et des siens, le puisné, qui estalié dudit sieur de Pichon, voulussent s’abstenir d’estre juges en cest affaire.
DE MaLvyn.
