CCXXXII APPENDICE

sillon fut filz du vaillant Droon, duc de Bourgoiagne, lequel, après ta mort du noble empereur Charlemaine, deraoura en Espaigne ou il soufTry moult de travaulz pour ace roistre et augmenter la loy de nostra benoit saulveur Jhesucrisl. Et ancoires y estoit il prisonnierauxSarrazins, si comme aucuns dient, quant la guerre encommença d'entre Charles le Chaulf et monseigneur Gerard. Et la cause pourquoy celle guerre mut d'entre ces deux nobles et puissans princes fut telle. Quant l'empereur Chartemaine fust irespassé, il laissa Loys, son filz, quy tint la monarchie ou empire de Romme, de France et d'Altemaigne. Cestuy empereur Loys, qui fut surnommé [fol. y") le débonnaire, laissa trois &lz après son trespas, c'est assavoir : Lothaire le premier, Loys le second et Charles le Chaulf fut le tiers. Quant Loys leur père fut trespassé, Lothaire voult tenir toute la monarchie d'Italie, de France et d'Ailemaigne, comme avoit fait son père, et voult assigner ses deux frères Loys et Charles sur autres seignouries particulières, de quoy Loys et Charles ne furent pas bien contemps, mais vouioient avoir leur part chascun par soy

es seigneuries que leur père avoit possessé

{Fol. xlix] Quant le rendus eut entendu l'angle de nostre Seigneur, il obey a son commandement, car lorsque l'evesque, ceulx de l'église et le peuple eurent ces paroles ouyes, ilz encommencerent tous par grant devotion a rendre graces a Dieu de ce que ainsi les avoit daigniés visitter. Et iors, a moult grant honneur et reverence, ilz alerent descouvçir le corps saint quy avoit reposé sept ans en ce lieu et le trouvèrent odouraot moult souef et tout entier. Le bon evesque quy de ce lieu le leva, le mist en un très riche cendal, puis le posa en une noble chasse, et en ce point le portèrent a grant honneur et jubilation chantant continuellement hympnes et pseaulmes jusques dedens l'église de Poullieres, ouquel lieu leur (v") vindrent au devant l'abbé dudit lieu de Poultieres, les nobles hommes et le pœuple, etlereceurentatrés grant reverence; et, en chantant pseaulmes devottement a nostre Seigneur, l'enterrèrent en icelle notable église en ung moult riche sarcus et très bien ediffié a merveilles, au plus près de madame Berthe, sa femme, sur lequel sarcus est en escript en ung epîtaphe son nom et sa vie, c'est assavoir comment il fonda douze églises, cornent il vainquy par douze