VIII. — De ce meisxnes
Autre fet de sa proece vos raconterai si com il avint, sans acueillir point de mençonge. La gent de Sassoigne qui sont li plus cruel et li plus fel de touz ceus d^Alemaigne, orent desdaing et despit d'obéir à l'empereur Henri et distrent qu'il ne feroient rien por lui, ains voloient avoir leur seigneurie par eus qui de rien n'obéist à autrui. Si firent un haut home qui estoit cuens du pais, Raous avoit non, roi sur eus, par qui il se vouloient justisier. Li Empereres, quant il oïce, si fut moût correciez et desirra moût à vengier si grant outrage. Por ce manda touz les barons de l'empire et assembla moût grand cort; puis lor fist dire et mostrer l'orgueil à ceus de Sassoigne dont il leur demanda moût debonnerement conseil et requist leur aide. Il s'acorderent tuit que celé chose fesoit moût asprement à vengier, leur cors et touz leur avoir abandonerent à l'Empereur por amender si grant mefet. Il s'en partirent. Li Empereres semont ses oz si efforciement com il pot à un chastel en la marche de Sassoigne. Quant il entrèrent en la terre, leur anemi* distrent qu'il se combatroient à eus, car si estoient orgueilleus et fier qui riens ne prisoient le pooir l'Empereur. Quant cil sorent qu'il se tenoient au combatre, il devisèrent leur batailles, car il avoient moût gent : si en firent assez. Lors demanda li Empereres de qui il s'acordoient qui portast l'aigle, qui est gonfanons de l'Empire? Il eslurent devant touz à ce fere Godefroi le duc de Loheraine, et distrent qu'il estoit li plus soufisanz à ce fés porter. Ce tindrent tuit à moût grant enneur que il fust einsi esleuz par l'acortde touz. Toutes voies il lecontredist et refusa tant com il pot, mes à fere li estut. Ce jor vindrent li un contre les autres et s'aprochierent tant qu'il s'assemblèrent moût fièrement; assez i ot genz ocis, car moût estoient irié li un contre les autres. Tandis com li chapléiz estoit granz et espez en
* Éd. précéd. « Quant il entrèrent en la terre de leur ennemis di^^trent... »
pluseurs leus, li dux Godefrois qui conduisoit la bataille TEmpereur, choisi une grant route où cil Raous estoit qui s'estoit fet rois de Sassoigne, à celé fist assembler la gent l'Empereur. Li Dux conut celui Raoul et feri des espérons contre lui ; du gonfanon que il tenoit jousta à lui si que il li envoia parmi le cors outre, et Tabati mort en la place; puis redrcça en haut sa baniere toute sanglante. Li Saisne virent qu'il orent leur roi perdu, si se desconfirent; li un tornerent en fuie, li autre vindrent cheoir aus piez l'Empereur; en sa merci se mistrent haut et bas, bons ostages li donerent d'obéir touzjors mes à son comandement. Maintes autres proeces fist li dux Godefrois ; mes il n'estuet mie que eles soient mises en ceste estoire, car mes proposemenz est à raconter les fez d'Outre mer non mie ceus de ça; mes, par ceus que vos avez oïz, poez entendre que il estoit preuz et en son païs chevaliers moût prisiés. De sa largesce vers Dame- Dieu vos dirai une seule, par quoi vos entendroiz les autres. En la duchée de Loheraine avoit un chastel qui estoit li plus renomez,et chiés de Tenneur; Buillon avoit non*. Por celui neis fu-il apelez Godefroî de Buillon. Quant il dut movoir en son pèlerinage d'outre mer, icestui chastel corne le pluz haut héritage qu'il tenist, donna-il Dame-Dieu enaumosne et à l'église du Liège, à tenir à tousjors.
