IX. — Cornent li dux Godefrois ne vout porter couronne

Puis que il ot einsi par élection le roiaume de Jherusalem, si come il estoit religieus hom et amoit Sainte Eglise et le service Nostre Seigneur, par conseil des evesques et d'autres sages clers qui estoient en l'ost, premièrement en l'église Nostre Seigneur du Sépulcre et du temple Nostre Seigneur mist clers por servir, et establi chanoines; granz rentes et larges héritages leur donna, où il preissent leur provendes, et vout que les églises de là fussent atiriées et ordenées selonc les establissemenz et les us des granz

■ Castrum unde et eognomeu erat; agro, lateque dijfuso terrUorio^ ceUbre àe nommai situ, munitione, commoditatibus, et longe tissimum.

A» I099 (juillet). LIVRE NEUVIÈME. 309

églises de France*. Moût le comença hautement, et bien Teust acompli, se Nostre Sires li eust donée plus longue vie. Il avoit amené de son pais moines moût religieus qui ses eures li disoient et li chantoient messe, toute la voie*. Cil li demandèrent et li requistrent por Dame-Dieu que il leur donast une abaïe eu Val de Josafat : il la leur establi et la doa moût richement de granz teneures. Moût est bien aparissant par les privilèges que Ten a encore, coment il ot large cuer vers Sainte Eglise et com il li donna granz choses. Quant il fu esleuz à roi, tuit li baron li requistrent que il se feist coronner et receust Tenneur du roiaume, si hautement com li autre roi de la Crestienté le font; il respondi qu'en celé sainte cité où NostreSiresJhesucriz avoit portée courone d'espines por lui et por les autres pechéeurs, ne porteroit-il jà, se Dieu plesoit, corone d'or ne de pierres, ainçois li sembloit que assez 1 avoit eu de celi coronnement qui avoit esté fez le jor de la Passion Notre-Seigneur, por ennorer touz les rois crestiens qui après lui seroient en Jherusalem. Por ceste chose que il refusa la coronne sont unes gens qui ne le vuelent conter entre les rois de Jherusalem; mes il me semble que por ce ne doit-il mie estre amenuisiez de s'enneur, mes créuz et essauciez : car ce ne fist-il mie por despit du sacrement de Sainte Eglise, ainz le fist por eschiver le boban du siècle et por la grant humilité qu'il avoit en son cuer. Dont je ne di mie seulement qu'il fust rois, ainçois di-je que il fu li mieudres de touz les rois qui le roiaume tindrent, puis que la terre fu conquise.