X. — Coment li califes d'Egypte envola por ocirre touz ceus
qui là estoient venu.
Novelement, quant la citez fu prise, tandis com li Baron ne s'estoient mie départi, vint une nouvele en la ville, et voirsestoit cinsi, que li califes d'Egypte qui estoit li plus puissanz hom de
« Ordinem et instiiutionem sttyans quas * Éd. précéd. « Qai set oevret H disoient et
vtagnœ et amplissimœ.,. ultra montes obser^ li chantoient ses eures. » vant eeeletiœ.
toute la terre d'Orient, avoît semons de tout son pooir chevaliers et touz ceus qui armes porroient porter; si que merveilles avoit assemblés granz oz; car il avoit grant desdaing et despit de ce que uns si petiz pueples' qui estoit d'estranges terres venuz, avoit osé entrer en son règne et avoit assise la cité que il avoit conquise sur ses anemis. Il fist venir devant lui son connestable qui estoit princes de son ost; il avoit non Elafdales*. A cestui comanda que il preist toutes ses genz avec lui et en alast en Surie; si coreust sus à ce pueple viguereusement , qui estoit si fous et si outrageus qu'il avoit troblée sa pais et fet mal à sa gent. Por ce, li comanda que si les eifaçast et destruisist du tout que jamès parole ne fust de nus d'eus. Icist Elafdales estoit nez d'Ermenie, Emireus estoit apelez en autre non ; de crestiens estoit atraiz, mes por la richesce que l'en li donna [et por la luxure que il trouva en la mescréandise] , renoia Nostre Seigneur et la droite foi crestienne por devenir Sarrazin. Icil meismes avoit la cité de Jherusalem conquise sur les Turs et mise eu pooir son seigneur, en cel an que li Crestien l'assistrent ; et ne l'avoit mie encore tenue plus de onze mois, quant li oz des pèlerins la prist sur eus et la rendit à la Crestienté. C'estoit une chose qui moût desplesoit à ce connestable, que ses sires avoit si cortement joï* de son conquest; por ce emprist plus volentiers sur soi la besoigne de corre sus à nostre gent : et bien li sembloit que legiere chose fust, à la plenté de gent qu'il avoit, de desconfire ceus qui la cité avoient prise. Il s'en vint en Surie, et mena avec lui tout le pooir d'Egypte. Grant orgueil ot en son cuer por le grant pueple qu'il avoit, et moût fu courouciez encontre les noz. Mes Nostre Sires qui bien set mettre son conseil par desus les proposemens des homes, atira celé chose en autre manière que cil ne devisoit. Il s'en vint à toutes ses granz genz devant la cité d'Escalone; iluec se logierent et porpristrent moût grant espace de terre. Avec eus s'estoient ajoint tuit li Tur de Damas et cil d'Arabe qui en ces parties estoient moût granz genz. Voirs est que ainçois que nostre pèlerin venis-
* Qttod populus barbarus de ultimis egres- ' Emir al Djoyousch. sus terris,,. * Ed. précéd. ■ Fol. •
sent en la terre, cil d^Egypte et liTur d'Arrabe nes'entreamoient mie , ainçois doutoient moût le croissement li un des autres : mes après, s'entracompaignerent à venir sur les noz, pluspor haine de nostre gent que por amor qu'il eussent entr'eus. Tuit furent ensemble devant Escalonne bien entalenté de venir emprès devant Jherusalem, por asseoir la ville. Car il ne poissent cuidier en nule manière que li baron qui dedenz estoient osassent is^ir contr'eus à bataille. - > ' ' /^X
