XII. — Cornent li Croisié furent presque tuit perdu
Assez avez oï desus coment li empereres de Costantinoble* avoit envie grant et haine sur la gent de France qui passoient par sa terre por aler en Jherusalem. Les derreniers pèlerins ennora-il trop et semblant leur mostra de grant amor; mes par darriers leur porchaçc^t tout le mal que il pooit. Messages envoioit aus Turs qui estoient leur anemis, et leur fesoit asavoir par
* Vettisto Grœcorum more...
348 GUILLAUME DE TYR. A* iioi
OÙ il passeroient et quant; moût les amonestoît par letres et par messages que il se penassent efforciément de destorber ce grant pueple qui por eus fere mal estoit venus de si lointain païs. Einsi les traïssoit li Empereres, et sembloit l'escorpion qui par devant ne fet nul mal et point de la queue. Tant fist asavoir le covine de celé bone gent aus mescréans qui mortelment les haoient, que il se porchacierent partout ; jusques en Orient envoierent-il querre sodoiers, et assemblèrent moût grant chevauchiée sur le chemin par où il sorent que nostre gent dévoient passer. Cil ne savoient mot de la traïson, ne ne furent mie à un acort; ains se départirent li un des autres, ne n'alerent mie une voie, si come li vaillant home avoient fet devant eus; por ce leur fist-l'en grant honte et let damage ; car li Tur, qui estoient tuit porveu d'eus mal fere, les guetierent et troverent devises, si leur corurent sus et en ocistrent, que petis que grans, entre homes et femmes bien .l. mille*. Le charroi et les somiers retindrenttous, si que cil qui eschaperent de Tocision s'enfoïrent tuit nu et povre; car tout avoient perdu ce qu'il aportoient. Au derrenier, vindrent en Cilice, li un avant li autre après, en tapinage reponant entre montaignes et buissons. A la greigneur cité de celé terre qui a non Tharse s'enfuirent, car ele estoit de nostre gent. Ilec, de duel et de travail prist maladie au vaillant home Hue le Maine, et fu mors en celé ville : enterrez fu en l'église monseigneur saint Pol l'apostre, qui nasqui en celé cité ; moût i ot grant duel le jor, en celé compaignie. Cinq jors sejornerent por eus atorner si come il porent; puis repristrent leur chemin tant qu'il vindrent en Antioche. Tancrez qui gardoit la terre les receut à moût grant joie, et, sicom il estoit sages et cortois, enrieur leur fist assez et granz presenz leur envoia, meismement au conte de Poitiers qui estoit li plus hauz hom et li plus poissanz en son païs ; et le greigneur domage li avoit-l'en fet en celé desconfiture, car il i avoit le tout perdu. Pour ce li fist-il maintes grans bont^z. Il orent au derrenier grant desirrier de parfere leur pèlerinage et de visiter le Sepucre
* Plus quam quinquaginta milita, Hd. précéd. « Un mile. »
A'iioi LIVRE DIXIÈME. 349
et les sainz leus de Jherusâlem ; por ce se départirent d^iluec. Cil qui orent chevaus s'en alerent par terre, li autre se mistrent en mer; après se rassemblèrent à une cité sur la marine qui a non Tortose *. Li çuens Raimons de Toulouse vit Testre de celé cité et connut bien qu'ele porroit estre prise sans grant sejor; [por ce leur loa que il ne passassent mie outre, ainçois Tasséissent^.] Il le crurent et assaillirent la cité; si la pristrent dedenz brief tens. Tuît cil qui estoient dedens furent ou mort ou pris ; armes et chevaus et richesces granz i gaaignierent qui bien leur avoient mestier : tout départirent entre eus. La cité donerent au conte de Toulouse, puis se mistrent à la voie. Li Cuens rem est por garder et por enforcier la ville. Moût leur desplut quand il perdirent sa compaignie, et grant peine mistrent que il les convoiast jusqu'en Jherusâlem : mes il nel vout.
