XIV. — Cornent li Crestien pristrent Cesairc
En celé marine meismes siet une cité qui a non Cesaire. Ele fu apelée anciennement la Tor Straton ; mes li vieus Herodes la crut moût et amenda de riches heberjages; et por Tenneur d^ Auguste César vout qu'ele fust apelée Cesaire, et, por Tenneur de celui meismes, establi que ce fust la mestre cité de la seconde Palestine. C^est uns lieus qui a grant plenté de bones eaues coranz ; por ce i sont li bon cortillage*. NU a mie port de mer, et si trovons-nos lisant que Herodes qui ama la ville se traveilla trop et mist merveilleus coust coment nés s'i poissent reposer ; mes n'en pot venir à chief. Quant li Rois vint là o tout son ost par terre, et la navie Taloit costoiant par la mer, il assistrent celé cité de toutes parz ; tantost drecierent perrieres et mangoniaus assez, et comencierent grosses pierres à giter aus hordeiz des murs et des tors, et fere granz frois" de mesons parmi la ville. Devant les portes, aus barbacanes, leur fesoient sovent li nostre
^ Synonyme d'indignation» lage : vergers, plessis.
* Aquarum Jluântium et hortorum irrigua- * Brisement. Fractus. rum kabens plurimam commoditatem. Cortil-
de granz assauz, de près, aus glaives et aus espées, si que dedenz ne dehors li Tur ne pooient avoir seurté ne repos. Endementres li nostre firent un chastel de fust moût fort, qui estoît plus hauz que toutes les tors de la ville, si que cil qui estoient eu derrenier estage pooient viser à trere d^ars et d^arbalestes là où leur plesoit en la cité; einsi dura cil assauz quinze jors. Au derrenier, s'aperceurent nostre gent que cil de la ville estoient mauves et coart et mol et desaiisez d^armes • por la longue pais qu'il avoient eue ; de jor en jor les trovoient aus défenses plus fains et plus lasches, si que bien virent qu'il estoient tuit lasse des travaus que il avoient souferz. Por ce s'entrecomencierent li nostre à s'entresemondre et haster de bien fere ; tuit ensemble aprochierent des murs et drecierent eschieles ; si comencierent li nostre à assaillir si asprement que cil de la cité s'en esbahirent tuit et se desconfirent si par eus, por la poor de mort qu'il avoient, qu'il ne s'osoient mostrer aus murs. Quant nostre gent le sorent,il saillirent sus, tantost en pluseurs parz porprenent les murs et les torneles. Une partie d'eus descendi en la cité, puis ovrirent les portes là endroit où li Rois estoit dehors ; si que il entra enz o toute sa bataille. Lors véissiez les pèlerins par la ville corre et mètre à mort quanque il encontroient des Turs, petiz et granz. Les mesons brisoient ; premièrement estoit ocis li sires et toute sa mesniée; après brisoient les huches et les huis por trover les gaanz richeces de quoi il i avoit trop. Assez i avoît des Turs qui cuidoient eschaper vis ; por ce transglotissoient les besanz ploiez et les riches pierres précieuses. Quant nostre gent le sorent, si comencierent tout à ocirre, et cerchoient les boiaus où il trovoient, tele eure fu, grant avoir ; por ceste achoison en i morut mainz que l'en eust gardé vis, se ce ne fust.
