XVII. — Cornent li rois Baudoins s'en vint à Japhe
En la chace que je vos dis que li Tur avoient fête d'une de nos batailles, il les sivirent ociant jusque vers Japhe; il orent concuelliz les hiaumes et les escuz et les armes de ceus qu'il avoient ocis, et vindrent devant la cité que nostre gent tenoient, et leur distrent qu'il rendissent eus et la ville corne cil qui plus ne se pooient tenir; car li Rois estoît morz, et touz ceus que il mena avec lui en la bataille ou morz ou pris : ce pooient-il bien savoir par les armes de leur gent que il leur montroient qui bien estoient conneues. La Reine estoit en la ville; quant ele 01 que l'en disoit, bien cuida que voirs fust, eînsi le cuidierent tuit cil qui là estoient. Lors comença un duel si grant come l'en devoit fere de tel perte come li Tur leur avoient dite. Li Sarrazin cuidoient vraiement que il fust einsi come il avoient dit. Li sage home qui estoient dedenz la cité de Japhe pristrent conseil et distrent que il estovoit que l'en envoiast hastivement à Tancré qui tenoit le prince d'Antioche, et li mandast-l'en que la Crestienté de la terre estoit toute perdue se il n'i metoit conseil. Li Rois ot jeu, si com je vos ai dit, eu champ de la bataille. Quant il fu ajorné, si en remena sa gent vers Japhe. Lors avint que tandis, com il s'en aloient, li Tur, qui si avoient le jor devant eflFréé la cité de Japhe et s'estoient logié devant, au matin s'en retornerent vers leur gent. Quant il virent de loing le Roi venir atout son ost, certeinnement cuiderent que ce fussent li leur qui venissent asseoir la cité, car de la nostre gent ne pensoient-il qu'il fust nule parole, que touz les tenoient por ocis. Li nostre les virent venir qui les connurent bien et s'adrecierent vers eus. Li Rois touz premerains feri des espérons, sa gent le sivirent, il troverent ceus si esbahiz que tantost les desconfirent : une partie s'enfoï, les autres ocistrent, aucuns en amenèrent pris à Japhe. Lors s'aprocherent de la ville où l'en faisoit grant duel. La novele vint à ceus dedenz que genz venoient là; il montèrent aus murs
et aus fenestres ; tant furent là que il virent le Roi et sa gent ; lors firent joie si grant corne se chascuns £ust resuscitez de mort. Il corurent encontr'eus parmi les portes, hors de la ville. Lors contèrent leur mauveses noveles qu'il avoient oïes et volentiers oïrent les bones que cil aportoient. Il entrèrent en la cité. Grant fu la feste que il firent celé nuit et la joie plus entérine après le duel. Quant li Rois sot qe la Reine et li prcudome de la ville avoient envoie messages à Tancré que il les venist secorre, que la terre estoit en si mauves point come Fen leur avoit dit, il prist autres messages et les envoia à lui et portèrent ses letres en quoi il le fist certain des bones aventures que Nostre Sires li avoit donées. Cil message troverent Tancré le vaillant qui jà s'apareilloit moût de venir vers Jherusalem; mes quant il oï ces nouveles il tendî ses mains vers le ciel et mercia Nostre Seigneur des granz biens qMl fesoit à son pueple.
XVI H. — Cornent H Baron vinrent en Jherusalem et s'en voustrent
retorner en leur païs.
Grant pièce orent demoré li baron qui darreinement venoient de France par Antioche. Li Rois oï noveles d'eus que il ne pooient passer vers Jherusalem, et douta moût que li Tur ne leur feissent encombrier au flun du Chien; pour ce prist avec lui genz à cheval assez, et s'avança por prendre ce pas, ainçois que leur anemis i poissent venir. Ce ne fu mie trop legiere chose à fere, que ainçois que il venist à ce lieu, Testut à passer par force delez quatre citez de Sarrazins, granz et forz et bien garnies : Tune fu Acre, l'autre Sur, la tierce Saïete, la quarte Baruth. Quant li Rois leur ot gaaignié ce passage, li baron vindrent qui là s'estoient aresté : Guillaumes , li cuens de Poitiers et dux d'Aquitaine; Estiennes, li cuens de Blois et de Chartres; Estiennes, li dux de Borgoigne; Joufroiz, li cuens de Vendosme; Hues de Lisimare * , frères le conte de Toulouse, et pluseurs
* Hugo Lisiniaceniis, Var. Lisimarensis, Il fallait traduire Lusignan, et non pas Lisi-
autres barons et chevaliers qui moût furent joieus de ce que la voie leur fu délivrée, et de ce meismement que li Rois leur estoit venuz à rencontre qui conduire les vouloit jusques à la sainte cité. Moût s'entrebesierent quant il s'entrevirent ensemble, si com il s'entreconnoissoient. Ne leur chaloit mes des pertes ne des travaus qu'il eussent soufert, porce qu'il estoient en si bon point de parfere leur pèlerinage : si s'en alerent droit en Jherusalem tuit ensemble. Porce que li jors de la Pasque estoit près, là se demorerent et firent la feste. Quant il orent sejorné un peu de tens après, distrent qu'il s'en vouloient retorner en leur pais, nomeément li cuens de Poitiers qui avoit perdu tout son avoir en Romanie, ne trover ne pooit emprunt de quoi il vesquit en la terre; autresi li dui Estiennes de Blois et de Borgoigne. Tuit s'en vinrent à Japhe por entrer ilec en mer. Li cuens de Poitiers entra en sa nef; delivrement passa, et sans encombrier vint en son païs. Li cuens de Blois et li dux de Borgoigne entrèrent en une autre nef. Quant il orent jà esté ne sai quanz jors sur la mer, une tempeste les prist qui les ramena arrières et par force les fist flatir eu port de Japhe. ' v
