XIX. — Cornent li rois Baudoins fu desconfiz des Turs. n ^'y

Il les estut ilec à sejorner jusque teus vens venist qui les partist du port. Tandis, li Tur d'Escalone assemblèrent tant de gent com il porent avoir et des leur et de ceus qui estoient eschapé de la bataille; tant qu'il furent bien .xx. mille. Lors entrèrent en la terre à grant orgueil, entor Lidde et Rames. La novele en vint au Roi; il se hasta plus que il ne deust, n'envoia mie querre ses genz des autres citez; ceus meismes qui estoient en la ville n'atendi-il pas, ainz se fia plus de soi que mestiers ne li fust. Il monta et s'en issi; à peines avoit avec lui deus cenz chevauchéeurs. Li cuens de Chartres, li dux de Borgoigne et leur com-

mare. Hugues de Lusignan, compté le sixième louse, par sa mère Almodis, remariée au père parmi les Hugues de cette maison, était en de Guillaume, etfet frère utérin de Guillaume, comte de Tou-

360 GUILLAUME DE TYR. A* 1 loa.

paignons qui là estoient distrent que il ne leroient mie le Roi einsi aler sans eus; meismement de la besoigne Nostre Seigneur se devoient-il entremetre ausi com li autre. N'avoient mie chevaus, por ce les quistreni et les porchacierent à prester et à loer en la ville, si come il porent ; tant que il furent monté, et lors issirent hors. Li Rois qui estoit trop alez avant à grant desroi, quant il ot aprouchiez ses anemis si s^emerveilla de la grant plenté de gent que il avoient, et se comença à repentir de ce qu'il estoit tant alez avant; niés si estoit jà près d'eus que hontes li fust se il retornast arrières, et grant cuer donast aus Turs, se il, por péril de mort, les eschivast. Cil qui estoient en Tost des Sarrazins plus sages d'armes et mieuz connoissanz virent que li nostre venoient à desroi plus qu'il ne souloient mie fere,et que il les aprouchoient sanz tenir route ne bataille : si en orent moût grant joie et greigneur espérance d'eus desconfire. Por ce, vindrent en conroi tuit ensemble et corurent sus aus noz que il troverent esparpelliez ; moût en ocistrent, car il ne pooient pas soufrir les fès de si grant route. Nequedent, bien virent que noiens estoit d'eschaper ; si se penoit chascuns de soi bien vendre. Lors les véissiez ferir entre ces presses com genz desvées, moût en ocistrent, tant que li Tur s'en esbahirent tuit, et près furent de retorner arrières ; mes quant il se rapenserent que li nostre estoient si pou et li leur tant, si repristrent cuer et se comencierent à .entresemondre de bien fere. Lors corurent sus à ceus qui remés estoient des noz, si les desconfirent; moût en ocistrent, le remenant s'enfoï à Rames où il se cuidierent garantir. Ilec furent ocis li dui Estienne, li cuens de Blois et li dux de Borgoigne, et mainz des autres, que baron que chevalier. Mes du conte Estienne fu-il moût grant joie de ce que il morut si ennorablement ; car il estoit hauz home et sages : grant travail avoit soufert et larges despense fêtes par deus foiz en cest pèlerinage. Sanz faille ne s'estoit mie bien partiz d'Antioche, [dont lede parole avoit esté sur lui deçà mer et delà *;] mes bien fu

< Notre traduction semble bien, dans cette alors si populaire, oA le comte Etienne e«t si addition, avoir en vue la Chanson SAntioche^ maltraité.

semblant que Nostre Sires le li eust pardoné, qui tant prist à gré son servise que il soufri que il morust en lui servant. Por ce le doit tenir li siècles à baron haut et ennoré [car du meffet* qui puis fu si rachetez ne doit estre sur lui ne sur son lignage jamès honte ne reprouches.]

XX. — D'une grant courtoisie que uns Turs fîst au roi Baudoin.

Si corne li autre s'en alerent à Rames de la bataille, li Rois se mist dedenz * avec eus; car li pais estoit si couverz de Turs que il ne vit mie coment il peust eschiver la mort en autre manière. Moot fu corouciez de la perte que il ot fête, trop fu en grant angoisse coment il porroit garantir soi et les autres qui avec lui estoient ; car la forteresce en quoi il estoient receu estoit moût foible, et bien savoit que il ne porroit pas contretenir la grant plenté de gent qui dehors estoit. Moût en fu pensis en son lit. Entor mienuit se parti de Tost des Turs celeément uns des hauz princes d'Arrabe, cil cui femme li Rois avoit si debonnerement atiriée, quant ele dut avoir enfant en la chevauchiée que il avoit fête; moût l'en savoit bon gré, guerredon l'en vouloit rendre en ce point où il estoit. Il vint à Rames et parla en bas à ceus qui sur le mur estoient, et dist qu'il avoit à parler au Roi paroles privées que il ne voloit dire s'a lui non. L'en le fist savoir le Roi qui nedormoit mie. Il le fist venir avant; cil parla à lui, et li dist qu'il estoit li mariz à celé dame cui il fist si grant bonté quant ele en ot mestier;por ce se recognoissoit moût à redevable vers lui, et par grant péril estoit venuz por li dire qu'il s'en issist hors de celé forteresce, car sans faille li Tur avoient pris conseil que eus au matin vendroient por prendre celé ville, car ele ne se porroit tenir sans aide à eus; devisé avoient que tuit cil que l'en troveroit dedenz seroient livré à mort : por ce looit moût au Roi que il s'en alast avec lui, car il le metroit à sauveté com cil qui bien

* Ces trois mots omis dans l'édition précédente. ' Dans Rames.

T. I. UUILLAUMC DE TTR. — 46

savoir le païs. Li Rois vit que tout estoit perduz se il estoit léanz ou morz ou pris; por ce se fia en celui et s^en issi à pou de compaignie, car li Turs li avoit bien dit que se il menoit guères ' gent, si anemi s'en apercevroîent et porroit estre destorbez. Il s'en alerent ensemble tant qu'il vindrent aus montaignes. Quant li Rois fu asseur, cil se parti de lui, moût le mercia, et son servise li ofFri en touz leus où il li porroit valoir. Li oz des Turs fu en moût grant orgueil por la victoire qu'il avoient eue. Au matin assistrent la cité de Rames entor; hardiement Tassaillirent et la pristrent par force; de ceus qu'il troverent dedenz firent leur volenté, le plus en ocistrent, aucuns enmenerent liez en prison. Si grant ocision de gentieus homes n'avoit esté eu reigne de Surie, en un jor, jusqu'à ce tens. Moût en fu afebloiez li pooirs de la Crestienté en celé terre. Cil qui plus savoient de l'estre du païs en estoient plus esmaié, et pensoient à foïr de la terre, porce que péril estoit de remanoir iluec. Tout eussent lessié le roîaume sanz défense, se Nostre Sires par sa bonté n'i eust mis conseil; car li pueples de la nostre gent estoit jà moût petiz. Li pèlerin qui venoient outre mer ne pooient mie passer legierement en Jherusalem, car toutes les citez de la marine estoient aus Turs ' fors deus : Japhe et Cesaire qu'il avoient novelement conquises. Et quant il pooient eschaper jusque là, si tost com il avoient fet leur pèlerinage et visité les sainz lieus, s'en retornoient en leur païs; car il connoissoient la foibloité de nostre gent, si doutoient estre aucun jor surpris et destruit avec eus.

XXL — Cornent li rois Baudoîns desconfist les mescreanz.

Moût estoit li Rois esbahiz qui toute nuit s'estoit repost et tapiz entre les montaignes. Au matin ot avec lui, sanz plus, deus compaignons : si s'en alerent par les plus celées voies qu'il porent

* Guères a toujours, comme on sait, le sens novissimos, non nisi duas de urbibus mari' de beaucoup. timis noster obtinebat populus.

* A Laodicia Syria vsque ad Aigypti fines

A* xioj. LIVRE DIXIÈME. 363

trover; souvent passèrent près de leur anemis à grant péril, tant que il vindrent au chastel d'Arsur. Li Rois fu receuz à grant joie de sa gent qui là estoient. Iluec menja et but por reconforter sa nature, car il avoit eu si grant angoisse de fain et de soif que près qu'il n'estoit failliz et remés en la voie. D'une chose li avint moût bien, et sembla que Nostre Sires le féist; car li Tur d'Arrabe fesoient à moût grant bobanz totes leur volentez par la terre : une grant partie d'eus en estoit ce jor venue devant le chastel d'Arsur ; bon poignéiz avoit eu ez barbacanes devant les portes ; moût les avoient menaciez; du leur en avoient mené ce qu'il troverent hors des murs. Un seul petitetainz que li Rois venist*, s'en estoient parti. Si l'en avint bien, car s'il i fussent encore, ne leur poist estre eschapez li Rois qu'il ne fust pris.

La nouvele fu espandue par le pais que li Rois estoit morz, car un pou de gent qui de la bataille estoient eschapé vindrent fuiant jusqu'en Jherusalem, et cil disoient sanz faille que li Rois avoit esté ocis avec les autres. Li evesques de Lidde, qui près de lui * avoit oïe la desconfiture de Rames et l'ocision des Crestiens, si avoit lessié l'église et s'en estoit foïz à Japhe. L'en li demanda noveles du Roi, il respondi qu'il n'en savoit riens, mes ce savoit-il bien que tuit cil quir dedenz Rames s'en foïrent' estoient ou mort ou pris : il meismes s'en estoit afoïz por eschiver la niort. En ceste manière fesoient grant duel par tout le roiaume. Tuit pleuroient por le Roi qui perduz estoit, ne n'i avoit celui qui de soi meismes n'eust peor. Li plus sage home vousissent estre mort, porce qu'il doutoîent àveoir le mal et destruiement de la Crestienté. Tandis, come tous li pueples estoit en celé doleur, li Rois se mist en une nef et vint d'Arsur à Japhe, et sodeinnement leur aparut ausi come l'esteile matineus qui nonce que li jorz est près. Lors furent tuit

* Cest-à-iire : bien peu de temps avant prcesidio capti fuerant, strage. Les mannsl'arrivée du Roi, les Turcs s'étaient éloignés crits sont ici fautifs. — Cet év0que de Lidde d'Arsur. ou de Rames se nommait Robert et était Nor-

* 11 eût fallu : près de là (c'est-à-dire près de mand d'origine.

Lidde, voisine de Rames) avoit ofe... Audita * Se réfugièrent : Qui in praesidium se re-

et prope conspecta eorum qui in Ramulensi ceperant...

364 GUILLAUME DE TYR. A- iioa.

si lié que cil qui ploroient avant de duel plorerent ore de joie; toutes oublièrent leur doleurs ; grant espérance orent que Nostre Sires leur envoieroit confort. La renomée corut par la terre que li Rois estoit venuz sains et haitiez; partout en firent grant joie. Lors envolèrent messages cil de Jherusalem à Huon de Saint Orner, le seigneur de Tabarie, et li mandèrent qu'il venist secorre le Roi. Il issi fors de sa cité atout quatre vinz chevauchéeurs et vint jusqu'à Arsur por aidier le Roi. Li Rois qui estoit à Japhe l'oï dire, lors issi encontre lui o tant de gent com il pot avoir, car il doutoit que li Tur ne le guetassent en la voie por ocire, ou en ississent tout apertement por combatre à lui. Tant ala qu'il vindrent ensemble ; grant joie s'entrefirent, puis retornerent à Japhe. Li Rois envola messages à sa gent qui estoient ez montaignes et leur manda qu'il le venissent secorre. Cil vindrent hastivement, mes non mie par la droite voie, que leur anemis estoient entre deus; por ce vindrent par dehors à grant péril, que sovent encontroient de leur anemis ; toutesvoies entrèrent dedenz Japhe sanz riens perdre. Cil qui novelement estoient venu avoient bien quatre vinz et dix chevauchéeurs. Quant li Rois le sot, moût en fu liez, grant espérance ot en Dame-Dieu, et moût desirroit à vengier le damage que li Tur li avoient fet de sa gent. Il atira ses batailles moût bien de sa gent à cheval et à pié ; puis issi hors encontre ses anemis moût hardiement. Ne douta riens de la grant plenté de gent qu'il avoient, que bien savoit que Dieus estoit plus poïssanz. Li Tur estoient près d'iluec à trois miles, delez un bois où il fesoient cloies et eschieles et autres engins de maintes manières; car cil avoient proposement, et ce leur sembloit moût legiere chose, que il asseissent la cité de Japhe et le Roi dedenz ; ne cuidoient en nule manière que il se poissent tenir, ainz les en pensoient amener* devant eus en prison ausi come bestes. Mes quant il virent le Roi venir contr'eus et ses batailles toutes conrées amener avec lui, trop se merveillierent coment cil les venoient requerre de bataille que il tenoient à desconfiz et à vaincuz. Lors

* Ed. précéd. * Einz les en poNnent amener. »

A-tio2. LIVRE DIXIÈME. 365

corurent aus armes, et ne doutèrent mie gramment cens que il avoient autrefoiz si mal menez. Lî nostre qui furent irié ausi come la lionesse à qui Pen tost ses faons, se ferirent entr'eus et mistrent grant peine et grant entente à vengier leur frères et leur compaignons que cil avoient morz. Tant se penerent de grever leur anemis que, si come Nostre Sires le vout, cil se desconfirent. Assez en i ot de morz, li remenanz s'enfoï. Nostre gent qui estoient si pou ne les voudrent pas chacier ne sivre longuement, que bien leur en poïst mescheoir; ainz s'entornerent ez héberges des Sarrazins; là troverent assez chamaus et asnes, viandes de maintes manières, avoir, robes et pa veillons meismes de diverses façons; tout enporterent dedenz Japhe, et fu la joie moût granz. Lors fu li roiaumes enpais entor set mois.