IX. — Cornent Guillaumes Jordains fu ocis

En celui tens meismes avint que Bertranz, li filz Raimon le conte de Toulouse, arriva entor la cité de Triple o tout une navie de Genevois. Guillaumes Jordains ses cousins Tavoit assise et duroit li sièges dès lors que li cuens Raimonz avoit esté morz en celé besoigne meismes. Tantost corne il fu venuz, sourdi uns contenz entr^eus deus ' ; Bertranz demandoit cele terre qui li ert escheoite de la mort son père; Guillaumes disoit qu'il avoit travaillié .1111. anz tous continueus au siège de Triple; por ce la voloit avoir. Assés i ot paroles et descorde grant entre eus; mes, au darrenicr, leur amis parlèrent de pais, et les acorderent en tel manière que Guillaumes auroit la cité d'Arches et de Tortouse o toutes les apartenances ; Bertrans seroit sires de Triple et de Gibelet, quant eles seroient conquises, et Mons Pèlerins seroit ausi suens et tout ce qui i apendoit. Einsi furent fêtes les covenances entr'eus et bien afermées. Dont il avint que Guillaumes por la seue part fist homage de ses deus mains au prince d'Antioche ; Bertrans de ce qu'il devoit avoir fu revestuz du Roi et en devint ses hom liges. En leur pais fu encore cette covenance que se li uns d'eus deus moroit sans oïr, sa terre escharroit à l'autre sanz nul contenz. Quant ceste pais fu einsi bonement devisée et fête par acort des deus, il avint que entre les deusescuiers à ces deus hauz homes sourdi une moût grant mellée par petite achoison, et s'entrecomencierent à corre sus moût durement. Guillaumes Toi dire, tantost sailli sur un cheval et corut là isnelement por eus desmeller. Si com il entendoit moût à cette besoigne, ne sai qui trest une saete et le feri parmi les costez, si que il le geta mort. Maintes genz distrent que li cuens Bertrans, par grant desloiauté et par grant traïson, l'avoit einsi fet ocirre; mes jusqu'à cel jor d'ui n'en fu onques seue la vérité, ne onques ne fu descouvers qui ce coup avoit fet. En tele manière toute la terre

* Trois lignes passées dans Tcdltion précédente jusqaes 1 entre eus ■.

remest à Bertran quant Guillaumcs fu morz, la cui part li eschéi. En celé navie de Genevois avoit soissante et dis galies, moût bien armées; chevetaine en estoient dui grant home de Gène : li uns avoit non Ansiaus, li autres Hues Ebriac. Il virent que entor la cité de Triple ne pooient-il pas fere moût de leur preu, car ele estoittrop fort et bien garnie; por ce orent conseil et distrent quMl iroient en autre leu où il porroient mieuz fere chose qui vausist. Moût prièrent et amonesterent le conte Bertran que il alast par terre por eus aidier, et il iroient encoste de lui vers la cité de Gibelet : c'est une cité de la marine qui siet en la terre de Fenice et est obéissant à la cité de Sur. Ce est moût ancien leu, car eu livre des Rois en parole-l'en, et dit que cil de Gibelet aparei nièrent les fuz et les pierres à fere le temple Salemon*; ele ot non anciennement Eve, porce que Eveus, li filz Canaan le neveu Noé% la fist. A celé cité vindrent nostre gent, et par mer et par terre de toutes parz Tasistrent. Moût s'esmaierent tost et furent espoenté cil de la ville, si que par désespérance mandèrent aus deus chevetaines de la navie, Ansiaus et Huon Ebriac, que se il voloient otrier à ceus de la ville que il s'en partissent et enmenasscnt leur femmes et leur enfanz tout sauvement cil qui s'en voudroient aler, li autre qui remanoir voudroient eussent leur mesons en la ville por une some d'avoir que il leur rendroient chascun an, il ouverroient les portes et leur rendroient la ville sans trere et sans lancier. Cil en orent conseil cntr'eus et s'i acorderent. La ville fu bailliée aus Genevois en ceste manière. Li uns d'eus, cil qui avoit non Hues Ebriac, la tint une grant pièce, par tel covent qu'il en rendroit chascun an une censé au commun de Gène *. Quant la cité fu einsi prise, la navie s'en torna à Triple.

« Porro Giblii prœparaverunt ligna et lapides ad œd{ficandum domum Domini, (Rcg.

Illf c 5, 18.) Giblct, l'ancienne Giblos, aujourd'hui Dschebail, Il reste de Tancien château, apparemment construit par Hue Ebriac (ou Lambriac), de belles ruines qui ont permis à M. Rey d*en restituer Tenseroble. {Archiiect. milit. des Croisés, p. ii5-i»^

s Sextus Jiliornm Chanaan.

* Guillaume de Tjt ajoute : Hic idem hujus Hugonis, qui eidcm hodie prœest civitati, avus fuitf qui ejus nomen obtinet et agnomen. Et notre traducteur a passé cette ligne, apparemment parce que ce deuxième Hugues, contemporain de Guillaume de Tyr, vers 1173, n'était plus le sien. Du Gange, de son côté,

GUILLAUME DE TTR. — 5o