XXIII. — Du grant croUe qui avint en la terre de Surie

N'estoit mie encore passez li anz de rincarnacion Nostre Seigneur .M. et .c. et .xiiH., quant uns granz croUes vint en la terre de Surie, si que maint chastel et ne sai quantes citez furent fondues, meismement en la terre de Cilice,de Isaure et de Celessurie : car en Cilice chéi toute la cité de Mamistre et ne sai quantes forteresces entor; la cité de Marese fondi * et les villes qui près estoient, si que d'aucunes sembloit qu'il n'i eust onques eu heberjage. Moût i mouroit de gent : li un fondoient en terre par les crevaces qui s'aouvroient moût larges; li autre estoient escachié soz les murs des mesons qui trebuchoient. Les citez resembloient murgiers de pierres : si remanoient seules et gastes. La gent s'enfuioient aus chans si espoentez du grant effroi, que touzjorz leur sembloit en dormant et en veillant que la terre les deust transgloutir. Ce n'avint mie seulement en un pais, ainçois s'espandi celé pestilence largement par la terre et en loing jusque près de la fin d'Orient. En Pan qui vint après, selonc la costume qui avoit jà longuement coru, Borses*, uns moût puissanz princes de Turquie, ot assemblé grant plenté de gent bien armées, et fu entrez en la terre d'Antioche; parmi celé contrée s'en passa, et se tint entre Halape et Damas. Ilec atendi jusque il se fust conseilliez en laquele partie de la terre il porroit plus grever [la Crestienté] ; car là vou* loit-il adrecier sa chevauchiée- Tandis, com il demoroit iluec, Dodequins li rois de Damas ot peor d'icele assemblée que Borses tenoit ilec près de lui : et bien cuidoit que il le féist por plus fere smalà lui et por tolir le roiaume se il poïst, que por guerroier le Crestiens; car il avoit esté maintes fois en guerre, où il avoit bien essaie nos chevaliers : cil meismes le fesoit plus douter, que il savoit bien que l'en li metoit sus la mort à ce haut home Manduc, qui avoit esté ocis à Damas par son porchaz, ce cuidoit-Pen*

* Apparemment la Marash^ située i dix lieues et au nord d'Alep, et non l'ancienne G^rmanicûit

* Bursequinus on Borski.

A» iii5. LIVRE ONZIÈME. 419

Mout ot esté longuement pensis en cel afere; au derrenier envola granz messages et riches dons au roi Baudoin et au prince d' Antioche, et prist trives à eus ; seremenz fist fere, et ostages bailla de bien garder les trives. Lors douta-il mainz les Turs, s'il pensassent riens contre lui, car il s'alia à nostre gent que il s'entraidassent se mestiers fust. Endementres, li prince d'Antioche vit que Borses et sa gent estoient près de lui, et fu acointiez par certeins messages que cil s'apareilloit de fere chevauchiée par sa terre : si manda le Roi que sanz demourance li venist aidîer; Dodequins meismes, qui estoit ses empris', semont, par la foi et par Talliance qu'il li avoit fête, qu'il le secorust. Li Rois qui mout estoit ententis et curieus de garder la terre que la Crestienté tenoit, s'en vint mout hastivement o bêle compaignie de chevaliers qu'il ot assemblez, et avec lui amena le conte de Triple, Poinçon. Si chevauchierent tant qu'il vindrent assez en brief lens au leu oij 11 Princes avoit sa gent assemblée. Dodequins qui plus estoit près de la terre au Prince, s'estoît avanciez, si que il avoit amené grant route de ses genz et s'estoit logiez come bons compainz et loiaus. Quant il furent einsi assemblé, il chevauchierent jusques devant Cesaire*, car il avoient oï dire que leur anemi s'estoient là logié. Quant Borses 01 dire que si granz genz venoient contre lui, bien sot que il ne les porroit pas soufrir legierement; por ce fist semblant de retorner en son pais et que il n'eust plus talent de revenir en celé terre. Li nostre baron pristrent congié entr'eus et s'en retorna chascuns en sa contrée.

XXIV. — Cornent cil d'Escalonne corurent en la terre des Crestiens.

Escalonne qui mainz maus avoit fez à la terre de Surie estoit encore pleine de Sarrazins qui pensoient en toutes manières coment il poissent grever la Crestienté. Quant il virent que li Rois s'estoit trez vers Antioche por le besoing au Prince, et

s Jwefœderis obligatum. Ed. précéd. « Ses ^ Seid)ar, sur TOronte, an-dessus d*Hamah.

empereurs. » Voyez plus haut» p. 407.

420 GUILLAUME DE TYR. A« iii5.

menez avoit avec lui les meilleurs chevaliers du roiaume, si se pensèrent que lors ert poinz et tens de movoir guerre : si alerent asseoir la ciié de Japhe. Novelement estoit venue en leur aide une navie d'Egypte où il avoit neuf nés pleines et bien garnies de genz armées. Il comanderent que celé navie s'en alast vers Japhe avant : il chevauchierent après, les bannières levées, tuit en conroi jusque devant la cité. Quant cil qui ez nés estoient virent que leur genz estoient venues par terre, si saillirent hors moût hastivement et comencierent à assaillir la cité. Cil d'Escalonne firent soner leur trompes et crier Tassant et trestrent d^ars et arbalestes, et drecierent eschieles; moût se penerent d'espoenter et d'efFréer ceus de la ville. Cil qui dedenz estoient n'avoient guères genz, mes bien se pensèrent que à combatre les covenoit, [por la foi] premièrement, [après] por leur vies, por leur femmes et por leur enfanz*: por ce s'abandonerent moût hardiement. Aus défenses des murs et des torneles gitoient grosses pierres , et se penoient de trere de forz ars et de bones arbalestes, [quant il apercevoient leur trez; car il ne vouloîent mie gaster leur cops, porce que trop estoient pou ;] si les fesoient reuser arrières qu'il ne s'osoient mie aprouchier aus murs. Moût i troverent autre chose cil d'Escalonne que il n'avoîent pensé, car il cuidoient trover la ville toute vuide, si qu'il n'i eust mie gramment se femmes non; por ce avoient fêtes leur eschieles et aportées, come por monter sur les murs sanz contredit. Mes cil de la ville les tindrent si corz que les premières eschieles qu'il avoient dreciées furent trebuchiées aval, si qu'il n'orent pooir onques puis d'aprochier aus murs. Nostre Sires avoit doné aus Crestiens qui dedenz estoient si grant hardement, qu'il ne prisoient rien celé plenté de Sarrazins qui les assailloient. Les portes de la ville estoient de fust, sanz couverture nule de fer : li Tur giterent premièrement grant atret de busche sèche et d'estrain, puis i lancierent le feu de loing, si que grant partie des portes fu arse ; [mes li nostre se regarnirent si encontre et restoperent le pertuis que il n'i osèrent onques apro-

* Pro uxoritms et libcris, pro liber tate et patria pro qua quivis egregius konestum mori reputat.

chier*]. Quant li Tur virent qu'il y avoient jà gasté grant pièce de tens, bien aperceurent qu'il n'i feroient guères de leur proufiz. D'autre part il doutèrent que li crestien de la terre ne s'assemblassent por venir sur eus : si lessierent le siège et s'en tornerent fuiant à Escalonne. La navie qui estoit venue por eus aider se receut eu port de Sur. Après ce, quant dis jorz furent passé, cil d' Escalonne s'apenserent que li Crestien ne se doutoient ore mie d'eus, ainçois cuidoient estre tout asseur; por ce, s'en issirent de leur ville tout secreément et orent assemblé grant gent, porce que il les voustrent surprendre; et vindrent tout soudeinnement devant la cité de Japhe. Mes cil qui estoient acostumé de guerre, se tenoient touzjorz en regart : de jorz et de nuiz avoient eschauguetes sur les tors por garder qu'il ne fussent surpris. Quant il virent donques leur anemis retornez, tantost furent prest et saillirent à leur défenses. Ce leur donna grant hardement de défendre leur cité, que il virent leur anemis afebloiez du pooir que il avoient eu, car la navie qui leur souloit aidier n'i estoit ore pas, ne ne pooit mie legierement retorner. Ce meismes lor donoit grant seurté que li Rois, ce disoient lor genz, s'en devoit prochienement retorner d'Antioche où il estoit alez. Por ce s'abandonerent plus de fere saillies sur les mescréanz, tant qu'il en ocistrent assez de ceusqui ne doutoient que les osassent einsi envaïr. Quant li Tur orent demoré ilec jusques après none, bien virent qu'il n'i feroient se perdre non, et que la cité n'estoit mie prenable : il firent soner leur trompes et cueillirent leur gent, si s'en retornerent à Escalonne.