XXV. — Cornent Borsequins fu desconfit

Tandis, come ces choses coroient einsi eu roiaume de Jherusalem, cil Turs dont je vos ai parlé desus qui avoit non [Borses, mes l'en le clamoit] Borsequin, qui avoit fet semblant de soi partir

* Au lieu dç cela, le texte porte : Non tamen eatenus ut per cas major vis civitus, aut ma' jor posset inferri moiestia.

422 GUILLAUME DE TVT^. A» iii5 (septembre).

de la terre d'Antioche por la venue le Roi et des autres barons, vit bien et aperceut que li Rois et li Prince estoient esloignié de là : Dodequins meismes qui leur aidoit s'estoit retrez en sa terre; si cuida bien que il ne fussent mie legierement rassemblé en ce pais; por ce fist sa chevauchiée, et entra moût fièrement en la terre d'Antioche. Là comença moût le païs mener à sa volenté, barroier les villes ou ardoir, prendre les homes et ocirre ; mener les bestes et porter abandoneément quanque li plesoit eu paîs. Il envoioit sa gent en diverses parties, qui tresmutoient aus lointaines villes qui rien ne cuidoient douter*; là fesoient-il trop grant damage d'ocirre genz et de viltes ardoir qu'il surprenoient einsi. Il ne prenoient mie seulement les villes descloses, ainz entroient desporveument dedenz les forteresces qui ne s^en gardoient : si que la cité de Marran * et la forteresce de Cafardan pristrent-il ainsi. Ceus qu'il trouvèrent mistrent à Tespée, fors ne sai quanz qu'il enmenerent pris. Les forteresces mistrent toutes à terre ; les villes mistrent toutes en cendre. En ceste manière fesoient leur volenté par cel contrée : de toutes parz achaçoient les proies devant eus et enmenoient prisons crestiens. Quant cele novele vint au prince d'Antioche, moût en fu correciez. Tantost envoia querre le conte de Rohez, si que le doziesme jor du mois de septembre, issirent hors d'Antioche o toute leur gent et chevauchierent jusque au chastel de Ruge*. De là envoierent leur espies por encerchier le covine de leur anemis, ne en quel leu il les poroient trover. Li Princes conréa, tandis, ses batailles et atira sa gent à cheval et à pié come por assembler à ceus se il les trouvast. Endementres qu'il entendoit à cele chose, uns des messages qu'il avoit envoie retorna hastivement, et li dist que li Tur estoient près d'ilec, logié eu val de Sarmate*. Quant cil de l'ost oîrent ces noveles, il en furent si lié come se chascuns fust certeins de la victoire. Borsequins meismes, qui bien sot la v^ue de nos genz,

* Tout ce passage est inintelligible dans doit dtre aujonrd'bai Kerdahe, marquée anrédition précédente, i Tresmutoient », fai- dessous de Laodicée, dans la petite carte saient trembler, répandaient Teffroi. {Klein Asien und Syrien) de Kippert

* Marrah, aujourd'hui IMaarrat-en-Naaman. * Auj. Riha, au*dessus de Marrah. — La forteresse de Cafardan, Cafarda, * In yalle Sarmati,

A- M i5 (septembre). LIVRE ONZIEME. 423

comanda que ses oz s^armast et venissent encontreus, les batailles rangiées; eflforciement les pria et semont de bien fere. Toutesvoies il vout penser de soi ; si prist son frère et ne sai quanz de ses amis privez et se trest en un tertre près d'ilec , en une montaigne* dont il poîst bien veoir les batailles assembler, et apercevoir certeinnement queus en seroit la fin. Les routes chevauchierent les unes contre les autres, tant qu'eles s'entrevirent. Baudoins li cuens de Rohez qui fesoit Tavant garde, quant il vit celé grant plenté des anemis Nostre Seigneur, ne les prisa néant, ainz se feri entr'eus hardiement et le comença si bien à fere en sa venue que il fist tout Tost des Sarrazins frémir et douter. Après lui rassemblèrent les autres batailles si fièrement que chascune se plunjoit bien là où ele assenoit. Si fesoient granz cops des glaives et des espées que riens ne les osoit atendre. Bien souvenoit à la notre gent des cruautez que cil Tur avoient fêtes par la terre, si en avoient les cuers plus félons et plus iriez encontr'eus. Moût leur vendoient chierement la mort de nos genz et les autres gainz qu'il avoient fez par le païs. Li Tur se défendirent une pièce, et se fièrent tant en leur grant plenté de gent que bien cuidierent soufrir l'estor des Crestiens ; mes après, il esproverent si le hardement et la proesce de nostre gent que trop s'en merveillierent : bien connurent que nules genz ne poroient tant endurer, por ce se désespérèrent et s'enfoïrent tuit desconfit; et Borsequins, qui estoit sur la montaigne, vit bien que la seue gent estoit tornée à desconfiture et qu'il n'i avoit point d'espérance qu'il s'arestassent eu champ; por ce, descendi hastivement et se mist à la voie entre lui et son frère et ses privez amis; ne ne fina onques de foïr jusque il fust à garant. Il lessa ses paveillons et sa baniere, ses cofres et tout son bernois : onques rien ne regarda^ La gent au Prince et au conte de Rohez sivirent les routes des Turs desconfiz bien largement par deus miles, mes il n'estoient mie oiseus en cha^ Çant, ainçois decoupoient quanqu'il povoient ataindre ; si que là ot moût grant ocision des mescréanz* Li Princes cui Dame-DieUs

' Montent vicinum nomine Danim*

424 GUILLAUME DE TYR. A» in5 (septembre).

avoit donée la victoire, remest cel jour et rendemaîn eu champ por atendre sa gent qui avoient chacié les Turs en diverses parties. Quant il furent tuit venu, Ten amena tout le gaaing et les chevaus ensemble; [li Princes les départi igaument, selonc ce que chascuns estoit,] car leur anemi avoient lessié leur tentes toutes pleines de richesces et de maintes vitailles que il avoient cueillies par la terre, si que tuit en furent riche. Les crestiens meismes que il avoient pris troverent il touz liez parmi Tost, que il délivrèrent touz et envolèrent en leur villes. En ce poignéiz ot occis de Turs plus de trois mille. Quant ces choses furent einsi parfetes, li Princes envoia mules et chevaus et chamaus touz chargiez de son gaaing avant lui ; après il entra en Antioche où tuit le receurent à moût grant joie, et loerent Nostre Seigneur qui tele enneur leur avoit fête.

XXVL — De la desloiauté Arnout le patriarche.

Une novele vint en ce tens à TApostoile , que li patriarches Arnous de Jherusalem se contenoit trop mauvesement; car il estoit en soi de trop orde vie : les biens de s'eglise destruioit touz. Le Roi qui le créoit fesoit fere de trop mauveses oevres : aus Barons et à tout le pueple donoit mauvez essample par sa contenance. Li Apostoiles i envoia por ce un légat en la terre, qui estoit sages hom et de grant religion : ce fu Tevesque d'Orange. Quant cil fu venuz en la terre de Surie, il fist semondre le Patriarche qu'il fust devant lui à un jour où il ot fet assembler touz les evesques du règne : cil i fu. Li Legaz enquist de son estre et de sa manière ; tant i trova de desconvenues que par jugement le desposa. Cil qui se fioit en sorceries et en arguz', dont il ovroit touzjorz et corrompoit toute la gent, se parti d'ilec et passa mer et vint à Rome. Là dist tant à TApostoile et aus Cardonaus de bêles paroles et de blandices, dont il savoit assez, et pardessus

< Fiduciam habens in suis prastigiis...

A- iii5. LIVRE ONZIEME. 425

dona granz dons largement, que il les deceut touz, si que li Apostoiles le receut en sa grâce, et dépeça ce que li Legaz avoit fet ; le patriarche rendi entérinement à Arnous, et Ten renvoia en son siège bien asseuré par ses lettres, où cil mena plus orde vie que devant et fu pires c'onques n'a voit esté. En celé seson meismes, li pueples des crestiens n'a voit encore nu le forteresce outre le flun Jordain. Li Rois desirroit moût à acroistre son roiaume et eslargir en celé partie. Si ot porpensement d fere un chastel en la terre qui a non la tierce Arabe, que Ten apele par autre nom la Surie Sobal; porce que il se pensoit que la garnison d'icele forteresce garderoit que li Tur ne poissent corre par le pais, ne gaster les villes qui treuz li rendoient ; et, por ce fere, il assembla grant gent de son roiaume, et passa la Mer Morte parmi la segonde Arabe dont la mestre citez a non La Pierre. Là trova un tertre qui assez estoit covenables à fermer. Ilec fist une tor et un baile et bones trenchié, et bones barbacanes devant. Li sièges du lieu estoit forz, et moût le fist bien fermer de riches oevres; et porce que il Tavoit fet fermer, li mist à non Mont Roial*. Li pais entor ert pleins de granz gaaigneries, de bonnes vignes et d'arbres portanz fruiz; et moût ert li chastiaus sains et delitables. Il y fist remanoir de sa gent chevaliers, sergenz et vaillains gaaignéeurs, et à touz donna granz teneures en la terre, selonc ce que chascuns estoit. Le chastel garni moût richement d'armes et de viandes, d'engins et d'arbalestes, genz i mist assez por le défendre et por chevauchier par la terre, si que celé forteresce jostisoit tout le païs entor.

XXVI I. — Cornent li rois Baudoins raempli de crestiens la cité

de Jherusalem.

Si com li Rois estoit sages et curieus de ce qui apartenoit à sa digneté, il porpensa un jor que la citez de Jherusalem n'estoit

* Au-dessas de Petra^ principale ville de arrêté, jusqu'à présent, Tattention des voya-

l'Arabie Pétrée. On devrait encore, avec notre geurs modernes : il semblait pourtant la mé-

traducteur, écrire et prononcer « Montroyal » riter. plutôt que « Montréal ». Ce château n'a guère

T. I. GUILIJkUME DE TYR. -^ 84

426 GUILLAUME DE TYR. A- ni5

mie bien habitée de gent qui défendre la poissent, si que quant li besoinz de la Crestienté le fesoit chevauchier ailleurs, il estoit granz perilz de perdre la ville ; porce que dedens n'avoit mie soffisament genz dont Ton poïst les tors garnir, ne fere garder les murs ne les portes, et li Tur chevauchoient sovent là entor, quant il savoient que li Rois estoit esloigniez. De ce fu moût li Rois angoisseus, et demanda conseil à maintes genz coment il porroit raemplir la ville d'abitéeurs; car li Tur qui estoient en la cité quant ele fu prise, furent presque tuit ocis, et s'il en i remest aucunz qui ne fussent mort, Ten ne les lessa remanoir dedenz la ville ; car li haut baron qui la pristrent distrent que ce seroit grant tort et hontes et ordoiemenz aus Sainz leus, se cil i abitoient qui ne créoient mie en Jhesucrist. Ainsi n'en i avoit nul, et li nostre crestien estoient si pou, que à peine pooient-il emplir une des mestres rues. Des Suriens i avoit-il trop pou ; car dès que li Crestien vindrent en la ville, li Sarrazin, qui seigneur estoient de la terre, leur firent tant de contraires que il les gasterent près de tout, par les meseses qu'il leur firent soufrir. Meismement, puis que Antioche fu prise, les orent-il moût sospeçonneus , si qu'il les ocioient por assez legieres achoisons; car il leur reprochoient que par messages et par letres avoient envoie querre les barons de France qui les estoient venu guerroier. Li Rois, quant il se dementoit de celé chose, ol dire certeinnement que outre le flun Jordain, en Arrabc, avoit asez crestiens qui vivoient en servage desouz les Turs. Li Rois les envoia querre tout celéement, et leur manda que se il voloient venir habiter en Jherusalem, il leur donroit assez plus que il n'avoient là, et si seroient plus à enneur et à grant ese avec la gent de leur foi. Quant il oïrent ce, moût î vindrent volentiers ; si amenoient femmes et enfanz , bestes et toutes leur choses; si com il s'en pooient venir. Des autres lieus meismes de paiennime i vindrent assez gent crestiene, quant il oïrent ces noveles que li Rois les apeloit si bel et leur donoit héritages; tant en i vint que la cité fu raemplie, là où ele estoit vuide. Franchement leur fist li Rois tenir les teneures que il leur assena, [si

A* iii5 (août).

com il estoit bien droiz en si franche ville et si noble com estoit la cité de Jherusalem].