XIV. — Cornent Gazzi morut de maie mort

A rentrée de Tan qui vint après, Gazzi, cil poissanz Sarrazins dont je vos parlai desus, ne finoît de penser et d^enquerre manières par quoi il poïst grever la Crestienté. Il vit que li Rois

* Quœ, si quis legendi studio videre quœrit, in muUarum archivit ecclesiarum, eo facile reperire potest.

estoit esloigniez des parties d'Antioche; por ce pensa ique en ce tens porroit mieuz fere sa volenté de la terre. Il assembla chevaliers tant corne il pot, et chevaucha par le païs; aucuns chastiaus meismes assist-il. Li baron de la terre envolèrent tantost au Roi, et li mandèrent que einsi estoit et que grant mestier avoient de secors. Il fist sa semonse hastivement; la vraie croiz fist porter devant lui; sergenz manda au plus quMl pot. Quant il vint en Antioche, li cuens Jocelins de Rohez estoit venuz que li Rois avoit mandé. Lors furent assemblé li baron du païs et ceus qui dehors estoient venu ; si s'en issirent et chevauchierent tout droit contre ce poissant Tur qui eu païs estoit. Quant il se furent auques aprochié de lui, si que il cuidierent avoir la bataille dedenz court terme, par la volenté Nostre Seigneur avint que Gazzi, qui estoit sires des mescréanz, fu feruz soudainement d'un mal qui a non apoplexie : [c'est une enfermeté où l'en pert oîr et veoir et parler, et touz les sens qui sont en home.] Li baron de son ost virent bien que de lui n'auroient-il plus aide; si eschiverent la bataille sagement et ne firent mie semblant du meschief où il estoient; ainz pristrent leur seigneur qui encore vivoit et le mistrent en une litière; si s'adrecierent à aler vers Halape; mes ainçois que il venissent là, Gazzi morut et rendi l'ame au deable qu'il avoit touzjorz servi \ Li Roiz demoura une pièce en Antioche por atirier les besoignes de la terre : après s'en retorna touz sains en son roiaume. Moût estoit amez en ces deus terres qu'il tenoit; en Surie qui estoit ses roiaumes et en la contrée d' Antioche : car moût li estoient à cuer li aferes de ces deus terres, et sembloit que plus entendist à governer la terre d' Antioche, qui li estoit bailliée à garder, que son roiaume qui estoit suens à lui et à son oir. En ceste manière se contint tant com li princez fu en sa main.

* Mternts tradendus incendiés.

XV. — De la franchise que li rois Baudoîns dona en Jherusalem.

Tandis com li Rois fu à sejor en Jherusalem , si cota il estoit piteus et larges de fere bonté à sa gent, il dona une grant franchise aus borjois* de Jherusalem, et leur conferma par sa charte seelée de son seel. Il a voit costume en la cité que l'en prenoit tonlius et paages trop griés des marcheandises et des gens qui venoient en la ville : et il leur otroia la franchise que nus latins ne nule marcheandise, queus qu^ele fust, ne paiast nule rien à l'entrer en Jherusalem ne à Tissir; ainçois vendist chascuns et achatast tout franchement quanqu'il vodroit en la cité. Et si otroia aus Suriens, aus Greus et aus Ermins, aus Sarrazins meismes, que il poissent en la cité aporter froment, orge et toute manière de leun •, sanz paier nule costume. De la mine à quoi l'en mesure le blé, et des balances à quoi Ton poise Tavoir de pois, quita tout et pardona quanque Ton en soloit prendre. Li pueples et li grant home de la ville l'en sorent moût bon gré et mercierent de bons cuers, et bien entendirent tuit que li Rois leur avoit fet moût grant bonté en ces choses, et que la cité en amenderoit en deus manières ; car il i viendroit plus gent por la franchise, et marcheandises i aporteroit-l'en plus volentiers, por ce que l'en n'en rendroit paages ne costumes.

XVL — Cornent li rois Baudoins barroia la terre des Mescreanz.

Un voisin avoit li Rois d'outre mer * moût desloial et plein de grant félonie, c'estoit Dodequins, li rois de Damas. Cil se prist

< Au jugement du précédent éditeur, il ne faut pas conclure de remploi de ce mot que les habitants de Jérusalem eussent été organisés en bourgeoisie; car l'historien se sert du mot cives et non burgenses. L'étude que fît un peu plus tard le comte Beugnot de la législation d'outre-mcr a dû le faire revenir de cette première opinion, puisque les statuts de la

Bourgeoisie et de la Conr aux bourgeois y tiennent une grande place et forment même une sorte de code particulier.

* Et quodlibet gtnus leguminis. Dans ce chapitre, l'édition précédente avait suivi un texte constamment défecueux.

* Cest-à-dire : le roi Baudouin avait un voî> sin de la terre d'outremer... Ce qui ne rend pas

A nu (février).

garde que li rois Baudoins avoit assez à fere de governer le roiaume de Surîe et le prince d' Antioche ; por ce li fu avis que plus legierement porroit gaster la terre le Roi qui estoit près de lui ; que il ne porroit mie se garantir corne s'il n'eust afere qu'en un leu. Il assembla genz assez et entra en la terre de Tabarie; coureurs envoîa par toute la contrée por gaster le pais. Li Rois qui moût entendoit à sa besoigne, oï ces noveles, et prist avec lui chevaliers et sergenz; tout droit s'adreça là où il sot les Turs. Dodequins, qui par ses espiessotque li Rois devoit venir, r'atrest sagent à soi; quant il les ot assemblez, ne s'osa mie combatre au Roi, car il connoissoit bien la proesce de ses chevaliers. Por ce retorna en son païs et entra bien en parfont dedenz son règne. LiRois, qui sa gent avoit assemblée, ne les vout mie sitost départir, ainz s'en entra en la terre devers midi", jusque il vint à une cité qui a non Gerase'. Ce fu une des bonnes citez de celé contrée, où il souloit avoir .x. citez dont l'en parole en l'Evangile; assez est près du flun Jordain, delez le mont de Galaat. Il trouva que celé cité avoit esté longuement déserte por la guerre; mes, en l'an devant, Dodequins i estoit venuz, et en la fort partie de la ville avoit fermé un chastel dont il avoit fez les murs et les tours de granz pierres taillées, dont il trouvoit asez en la cité; de viandes et d'armeures Tavoit bien garnie; baillée l'avoit à garder à chevaliers qui estoient si home, que il connoissoit à preus et à loiaus. Li rois Baudoins s'en vint devant celé forteresce et l'assist. En sa venue comencierent à assaillir chevaliers et sergenz moût bien et moût hardiement. Cil dedenz se redefendoient à trere et à giter au mieuz que il pooient. Quant cist assauz ot une pièce duré, quarante chevalier* qui estoient en la forteresce

e latin : Doldequinus, fœderato sibi Arabum principe^ et ejus sibi sociata militia.,,

* Après avoir inutilement tenté de joindre Dodequin, il revenait dans la direction du sud. ' Gerasa. Guillaume de Tyr a soin de nous dire qu'elle était jadis une des grandes cités de a Décapote, près du mont Galaad, dans la tribu de Manassé, et à quelques milles du Jourdain. Àb Jordane paucis distans millia-

ribuSf monte Galaad contermina, in tribu Manasse sita. Ce doit être aujourd'hui Om- Kcis, auparavant Ga^are, au midi du lac de Genezareth et près de la rive gauche du Jourdain. Ce ne peut être, comme l'admettent Andri veau-Goujon et Beugnot, Dscherrash, ville trop éloignée du Jourdain et de l'ancienne tribu de Manassé.

* Quadraginta milites. Ed. précéd. « Onze. «

458 GUILLAUME DE TYR. A^iias.

firent parler au Roi, et li rendirent la forteresce par tel covent que il les feroit conduire à sauveté. Li Rois la prist en ceste manière, porce que il ne vouloit mie fere ses genz blecier à prendre celé forteresce où il ne poïst pas fere grant gaaing. Lors prist conseil à sagent que il feroit de celé forteresce, se il la garniroit ou il la feroit abatre. Touz li consauz fu a un acort que il la féist toute fondre, car ele estoit loing de ses autres citez, si n'i porroit demorer garnison qui ne fust à grant coust et à grant péril : cil meismes qui venir i voudroient ne porroient mie passer sanz grant force.

XVI L — Cornent li Mescreant pristrent le roi Baudoin.

Selonc ce que Ten pooit cognoistre par dehors, assez aloient bien li afere du roiaume en celé seson, par la grâce Nostre Seigneur; mes li deables qui onques n'ama pais, ne ne vout, por qu'il le poïst destorber, que amors fust entre les homes, sema une descorde eu pais, par quoi la chose dut estre en grant péril. Car li cuens Poinces de Triple, ne sai par quel conseil ne par quel raison, manda au roi Baudoin qu'il ne se tenoit pas à son home, n'il ne connoissoit mie qu'il li deust servise ne amor. Li Rois, quant il oï ce, si en fu moût correcié et se pensa que mieuz estoît-il que il Pamendast ore, tandis come li Tur ne li movoient point de guerre, que en autre point où il auroit plus à fere. Por ce, semont barons et chevaliers qui sur eus pristrent à grant despit ce que cil avoit fet, et se trestrent vers la terre de Triple por vengier cel outrage. Quant li Rois fu auques aprouchiez de la terre celi, o tout son ost, preudome du païs alerent au conte de Triple et parlèrent à lui, sa folie li mostrerent, et l'amenèrent au Roi et les apaisierent ensemble. Li Rois se parti d'iluec et passa outre vers Antioche, porce que cil du Prince* l'avoîent envoie querre hastivement; car Balac, qui estoit moût

« Ed. précéd. « Cil de Tripla. »

riches et moût poissanz en Turquie, s^estoit aprochiez d'eus et fesoit par leur terres granz chevauchiées souvent, qui trop les damageoient. Gist Balac estoit montez en trop grant orgueil, por ce que novelment avoit surpris Jocelin le conte de Rohez et Galeran", un suen cousin, preude chevalier, qui chevauchoient folement, et les avoit pris ambedeus, et si les tenoit en forz buies dedenz sa prison \ Quant cil sot que li Rois estoit venuz en celé terre, n'osa mie si corre com il souloit; car il doutoit moût assembler au Roi, porce que l'en li avoit bien dit que il estoit bons chevaliers et trop aventureus en batailles. Lors comença à chevauchier près de leur ost et costoier le Roi, por savoir se il leur poïst fere nul damage. Li Rois s'en ala tout droit en la terre de Rohez qui trop estoit desconseillie de la prise le Conte. Il les voloit reconforter et conseiller de ce que il poïst. Par la terre chevaucha por veoir les forteresces* et metoit garnisons là où mestier estoit; aus barons parloit et aus chevaliers, et leur prioit que il se contenissent com preudome. Ne demora mie que il chevauchoit du chastel de Torbessel vers la cité de Rohez por prendre garde de la terre qui estoit outre le flun d'Eufrate, ainsi com il avoit fet de ceste deçà. Il aloit o sa privée compaignie, car il ne cuidoit avoir garde. Si chevauchoient de nuiz, çà et là espandu par le chemin et li plus d'eus aloient dormant. Balac qui avoit bien asentu parespiesque li Rois devoit aler là endroit, s'estoit mis en un aguet près de la voie, atout granz genz. Sitost com il s'aprochierent, il leur corurent sus; endormiz les troverent et desporveuz; tantost les desconfirent et mistrçnt à la voie. En la noise qui i estoit et en la presse, Balac gita les mains et prist le Roi par le frain : ne savoit mie que ce fust il : toutevoies le retint. Quant il sorent que c'estoit li Rois, tantost se partirent de là et passèrent le flun d'Eufrate, tant qu'il vindrent à un fort chastel qui a non Cartapiert*. Iluec estoient en prison Jocelins et

« Galerand du Puisay, «de Pusacio », dit • Quartapiert, dans le texte latin. Peut-

Orderic Vital (lib. XI, cap. 26). C*tre aujourd'hui Karatepe, marqué sur la

» Et captos vinculis mancipaverat. Éd. carte de Klppert (Asie-Mineure), au nord

prtîcéJ. « Et les tenoit en forz leu dedenz sa et assez près d'Edesse. Jocelin étant déjà

meson. » captif de Balak, celui-ci n'avait plus rien à

• Ed. précéd. • Et prenoit les forteresces. • craindre du voisinage d'F-'desse.

Galerans : là meismes mist-il le Roi en bones buies. Li baron et li autre chevalier qui fuï s'en estoîent de la desconfiture, ne sorent à dire du Roi noveles certeines, ainçois doutoient tuit s'il estoit morz ou vis. La novele vint en Surie que li Rois estoit ainsi perduz; trop fu granz li duels par la terre. Mes li Patriarches, li baron et li prélat du pais s'assemblèrent tantost en la cité d'Acre. Iluec par comun acort baillèrent le governement du roiaume et toute la garde de la terre à Eustace Grenier qui estoit sages hom et bons chevaliers et loiaus , et avoit jà deux citez eu roiaume atoutesles apartenances, Saiete et Cesaire. Celui eslurent à seigneur jusque Dame Dieu leur rendist le Roi; féeuté li firent tuit corne de tel baillie, sauve la droiture leur seigneur.

XVIIL — Cornent li Ermin délivrèrent le roi Baudoin.

[Felenessement] estaient tenu en prison li Rois et cil dui preudome avec lui que je vos ai nomé. Il avoit Ermins en la terre Jocelin qui moût l'amoient; grant duel et grant despit en prenoient sur eus de leur seigneur qui einsi estoit pris. Si s'en assemblèrent jusqu'à cinquante, fort et viste, sage et hardi. Cil s'entrejurerent loial compaignie entr'eus, et que il feroient leur pooir de leur seigneur délivrer. Aucunes genz cuidierent que li cuens Jocelins leur eust fet einsi ceste chose emprendre par messages que il leur envéoit chascun jor de là où il estoit, et que granz loiers leur eust promis se il pooient le Roi délivrer et eus deus. Cil se mistrent en aventure en abit de moines, et portèrent costiaus et miséricordes souz leur fros qui estoient large. Au chastel s'en vindrent einsi come s'il se vosissent clamer d'outrages qu'en leur eust fez en leur abaïes; moût fesoient piteuse chiere, et demandoient le baillif, cui il voloient mostrer leur plaintes. Aucuns en i ot qui se vestirent come marchéanz qui se revenoient ausi pleîndrede ce qu'en les avoit desrobez. L'en les leissa entrer dedenz, porce qu'il sembloient gens de pais. Si tost com il furent léanz, il trestrent les costiaus, touz ocistrent ceus qu'il troverent;

lors fermèrent les portes sur eus et vindrent à la chartre, si dcslierent le Roi et leur seigneur et Galeran. Li Rois sot bien que cil aferes ne demorroit pas en tel point longuement, ainçois accourroient tost li Tur entour ce chastel; por ce fu acordé entr'eus que Jocelins s'en iroit et porchaceroit aide hastivement qui leur venist aider, si qu'il les enmenassent. Li Sarrazin, qui estoient es villes du païs entor, oïrent la novele cornent cil chastiaus estoit einsi emblez ; tantost corurent entor, por garder les entrées, que riens n'i poïst entrer ne issir, jusque Balac leur sires seust celé novele et qu'il i méist tel conseil com li pleroit. Li cuens Jocelins ne lessa mie, por ceus qui les guetoient, que il ne s'en issist, et mena avec lui trois compaignons des Ermins qui léanz estoient : li dui le dévoient conduire qui bien savoient le païs, li tierz devoit retorner eu chastel por dire les noveles que il fust passez sauvement parmi les Turs qui gardoient les issues. Celui en renvoia-^il tantost , et li bailla son anel à enseignes que il s'en aloit tout sauvement avec ses deus compaignons. Li Rois se mist en grant cure de garnir ce chastel entre lui et les Ermins qui deslié l'avoient, et Galerant; moût essaioit se il le poïst deffendre, jusque li secors leur venist, de qui il cuidoit bien qu'il ne tarderoit mie.