XXI. — Cornent li Crestîen desconfireat les Sarrazins

Tantost com li princes d'Egypte sot que li Rois estoit en prison, bien li fu avis que lors fu sesons de corre sus au roiaume de Surie, tandis com il n'avoient mie leur seigneur. Il haoit trop cens du roiaume et sospeçoneus les avoit ; car il doutoit que, sitost com leur pooirs croistroit, qu'il ne li féissent mal. Force comandapar toute sa terre que cil qui armes porroient porter venissent à sa semonse^ II envoia genz par les citez de la marine por fere apareillier navies, et galies armer àgrant plenté. Après le jor de la semonse mut. Moût ot grant plenté de gent par terre; .lxx. galies ot armées par la mer, sanz les autres nés de que il ot maintes. Li oz qui par terre aloit passa les deserz, puis se logierent près d'Escalonne. La navie passa jusque devant Japhe. Lors issirent hors des nés grant plenté de genz bien armées , si comencierent à assaillir la cité de toutes parz. Tant lassèrent ceus dedenz, qui pou de geui estoient, que, por soufrete de défendeurs, iP comencierent à venir aus murs, et mistrent les mineurs en pluseurs parties, et fu moût la cité afebloîe; en la manière que se il eussent eu loisir encore un jor d'assaillir, cil fussent entré par force en la ville, et de quanque avoit dedenz eussent fêtes leur volentez.Mès li Patriarches, et Eustaces Greniers li conestables du roiaume, et li autre baron de la terre, se furent assemblé à tant de gent com chascuns pot avoir, et orent chevauchié jusqu'és plains de Gesaire, en un leu que l'en claime Gaquo'. D'ilec mu-

description de ses belles ruines dans la Sa- * « 11 » les Egyptiens.

marie de M. Guérin, 1874, tome !•% p. 384- * Entre Arsouf (ApoUonia) et Kaisarieh