XXV. — Du traité avec les Veniciens

Il fu acordé et juré des Barons, que en toutes les citez le Roi qu'il tendroit en son domaine, et en toutes celés que l'en tendroit de lui en fié, li Venicien auroient une rue entière, une église, uns bainz et un four que il tendroient à touzjorz, par héritage, quites et frans, sans nule costume, ensi com li Rois doit tenir lez seues choses franchement. En la place de Jherusalem recevront autant de rente en leur propriété com li Rois i seut avoir. Se il vuelent fere en la cité d'Acre four, moulin, bainz, balances, mines à mesurer le blé, bouz à mesurer vin *, huile, miel, dedenz leur rue, tuit cil qui voudront cuire, baignier, mesurer, moudre, le porront fere ausi franchement com se ces choses estoient le Roi. En la fonde de Sur, se la ville est conquise, otroiçrent au Duc et au

* Ed. précéd. « Bouz à mètre vin. »