IV. — Du siège de Sur

Hardiement vindrent au siège nos genz et açaintrent la ville au mieuz qu'il porent *. Ele siet eu cuer de la mer; une seule entrée i a par terre*, tant com uns ars puet trere. Les anciennes ' genz dient que ce fu une isle çainte de mer de toutes parz et dessevrée d'autre terre; mes li poissanz rois des Assiriens' Nabugodonosor l'assist aucune foiz, et la vout prendre parterre; si fist aporter si grant terrau qu'il i vout entrer par le rivage*; mes il ne parfist mie celé oeuvre, et si i fu à siège .111. anz et .x. mois. Mes Alixandres , li rois de Macédoine , i vint à siège quant il ot pris Damas et Saiete, et parfist celé oevre que Nabugodonosor avoit commenciée, et prist la ville par itele manière. Uns autres rois assiriens l'avoit jà assise devant, qui avoit non Salmanasar, qui conquist toute Fenice. Mainz granz maus avoit souferz celé ville. Mes moût estoit lors' en grant noblesce, par le pooir au grant prince d'Egypte cui ele estoit merveilles à cuer,