XII. — Cornent cil d'Escalonne assembloient

Cil d'Escalone qui ne se reposoient de fere mal, virent bien que nostre gent avoient assez à fere à ce siège, si assemblèrent leur pooir et comencierent à chevauchier par la terre aus Crestiens, tant qu'il vindrent es montaignes de Jherusalem, ilec à cinq miles ou à sis de la cité, devers bise, en un leu que l'en seut apeler Belin ; mes or le claime-l'en novelement la Mahomerie. Là s'en vindrent li Tur soudeinnement. Les gaaigneurs* qu'il troverent par la terre decoupereut touz. Les femmes et li vieil home pristrent leur enfanz, et se ferirent en une tor por eschiver la mort, et se défendirent iluec. Cil virent qu'il ne la porroient pas legierement prendre, si s'en partirent et corurent par le pais. La gent qu'il troverent ocistrent, fors aucuns dont il cuiderent avoir raençon : ceus enmenerent pris et liez.

XIII, — Cornent li Tur rendirent Sur aus Crestiens.

Quant cil de Sur virent que il ne porroient pas longuement soufrir le point où il estoient, ne n'avoient pas espérance que secors leur venist de nule part, si comencierent à parler eu Ja

* LcB laboureurs, habitants des campagnes. Incolis ex maxima parie interemptis. Ed. précéd. « Les greigneors de la terre. »

ville par tropeaus, et prendre conseil cornent celé mesese qu'il soufroient fust trete à fin. Il disoient que l'en les en leroit aler s'il rendoient la ville, et mieuz seroit-il que il s'en alassent, et leur femmes et leur enfanz, en aucune des autres citez que leur gent tenoient, qu'il moreussent ilec de fain si comil fesoient. Quant la parole ot une pièce esté meue par pluseurs leus celeément, au derrenier fu comunement dite devant les hauz homes et les chevetaines de la ville, si que tuit l'oïrent. Là fu acordé communément que l'en parlast de pais. Endementres, li rois de Damas avoit trop grant pitié et trop estoit iriez de la grant mesese où li citeien de Sur estoient, [et li suen meismes que il i avoit envolez.] Por ce, prist gent avec lui tant com il en pot avoir, et descendi vers la marine et se loja prez de Sur, delez le flun où il avoit esté à l'autre foiz. Quant nostre baron oïrent de sa venue, il s'apareillerent à combatre encontre lui. Nequedent, le siège n'esloignerent mie por ce. Li Rois qui volentiers eschivoit la bataille, envoia messages por parler de pais aus barons de Tost, nomeément au Patriarche, au conte de Triple, au duc de Venise, à Guillaume de Bures. Assez i ot paroles devisées; mes au darrenîer fu la pais accordée en tele manière que tuit cil de la ville qui issir s'en voudroient enmenroient femmes et enfanz, et enporteroient touz leur muebles : si les conduiroit-l'en jusqu'à sauveté; s'il en i avoit aucuns qui vosissent remanoir desouz les Crestiens, cil auroient toutes leur teneures [et les tendroient à resnable treu]. Quant la menue gent de l'ost entendirent que l'en parloit de pais, et que li mueble de la ville seroit garantiz aus Turs, si qu'il n'i auroit point de gaaing, près ala qu'il ne furent enragié; et disoient tout apertement que li Baron estoient traiteur, qui avoient pris granz loiers por fere la pais, et li povre home, qui avoient toute la douleur souferte, n'alegeroient leur povretez de nule rien en celé conqeste. Tant montèrent les paroles qu'il dut avoir grant mellée entre les povres et les riches. En la fin fu la chose apaisiée, et entrèrent nostre gent en la ville par les covenances que j'ai dites. En signe de victoire fu mise la baniere le Roi sur la plus haute tor qui est prez de la porte.

Sur l'autre qui a non la Tor verz, mist-I'en la baniere le duc de Venice, sur la tierce que l'en claime laTor de la Tanerie, fu mise la baniere le conte de Triple. Il est bien voirs que ainçois que la citez fust prise ne que li sièges î venist, grant partie de la terre [qui apartenoit à la cité de Triple] avoit jà esté conquise, et la tenoient nostre gent. Toutes les montaignes, des près de la ville * jusque vers le mont Libane estoient eu povoir à un haut home sage et poissant, Anfroi du Toron avoit non ; pères fu au juene Anfroi qui fu puis connestables du roiayme. Ses pooirs duroit bien près de cinq miles en ces monz, et tenoit un moût bon chastel ilec meismes, fort et bien garni qui maintes foiz avoit corrocié ceus de Sur. Li sires meismes de Tabarie, Guillaumes de Bures', avoit en ces montaignes granz villes et bonoB forteresces dont il guerroioit souvent celé cité meismes. Li rois Baudoins, qui fu devant cestui, i avoit fermé un fort chastel sur le rivage près de la grant fontaine, à .vi. miles de Sur, qui avoit non Scandarion. De touz ces leus avoit esté moût grevée la citez, si qu'ele ne pooit pas longuement tenir contre le siège. D'autre part, [porce que si grant partie de la terre estoït jà des Crestiens, li Baron et li Prélat s'acorderent, tandis com il estoient au siège, que l'en esleust un arcevesque à Teglise qu'il feroient à Sur quant la ville seroit prise, dont il avoient bone espérance; et se par aucune mésaventure ne prenoient la ville, si garderoit' la crestienté de la terre que nostre baron tenoient jà], A ce fu esleuz uns moût preudons de France, Oedes avoit non. Li patriarches de Jherusalem le sacra; mes einsi fu que il morut ainz que nostre gent eussent la ville.

* Pene ad quartum vel quintum ab urbe rat,,.

lapident.. . > Cest-à-dire : rarchcvfique qu'on allait élire

* Guillaume de Tyr ajoute : Et, ante eum, aurait sous lui toutes les églises chrétiennes dominus Joscelinus , cornes Edessanus qui de la contrée.

prctdictct civitatis (Tiberiadis) dominus fue-

494 GUILLAUME DE TYR. A- 1124 {29 îuin).