IX. — Cornent Belfeth prîst l'empereur de Costantinoble

Nostre Sire [qui par sa pitié chastie en cest siècle por espeneir* en Tautre, et set bien ses fîz battre por sauver], soufri que uns flaiaus* vint en terre por chastier le peuple. Car eu tens que uns empereres ert en Costantinoble et gouvernoit la terre moût enpais, qui avoit non Romains, Dyogenes en seurnon, issi de ces derrenieres parties d'Orient uns trespoissanz turs mescréanz qui ot non Belfeth', qui amenoit avec lui tout le pueple de Perse et de Assurie, et si grant plenté de gent que il covroient toute la terre : ne n'estoit pas legiere chose à savoir le nombre de si grant pueple. 11 amenoit chars, curres et charretes, chevaus et chameus, bues, vaches et menues bestes, à si grant plenté que à peine porroit estre creu. A tout ce grant appareillement et à celé grant force, se mist dedenz Tempire de Costantinoble, et commença quanque il trova à plain prendre et gaster ; et là où il trovoit forteresces de citez et de chastiaus, il prenoit tout de venue, car riens ne li pooit contrester que il ne fondist tout à terre : si que touz li pueples de.la terre s'enfuioit devant lui. Celé novele vint à TEmpereur que cil granz sires sorprenoit einsi sa terre. Il envola sanz demeure par tout son empire, et fîst semondre ses oz,

» Pernox aléa. • Fléau.

* Sednec inter a/fines aut propinquos tuta * AIp-ArsUn, surnommé par les Arabes i4^ii/erant matrimoniorum fœdera, Fath, régna de 1059 à 1072.

* Espeneir, ôter de peines.

l8 GUILLAUME DE TYR. A- 1070.

et assembla tant de gent com il pot avoir moût efforciement

por le besoing qui granz estoit. Quant ses genz furent venues, il

issi fors à tant de gent com il pot avoir à armes, et se trest celé

part où il oï dire que cil Belfeth venoit. Il le trova par tens, come

celui qui jà estoit bien entrez en sa terre en parfont. Quant il

sorent quUl estoient si près li un des autres, si atornerent leur

batailles por combattre, et assemblèrent cruelment et de moût

granz corrouz come genz qui avoient entr'eus grant haine. Li

Mescréant se combatoient pour essaucier leur loi et por croistre

leur pooir sur leur anemis ; li Crestien defendoient la foi

Jhesucrist et vouloient garantir leur vies et leur franchises et tout

quanquUl avoient, femmes et enfanz et leur pais. La bataille fu

moût grant et moût cruele ; merveilles y ot genz mors et sanc

espandu et de çà et de là. Au derrenier, li Grec ne porent sou-

frir le fez ne la grant plenté de la gent mescréant, si se metent au

foïr si desconfitement que nus ne prenoit retour de soi, ainz s'en

aloient tuit sanz tenir route ne conroi, chascuns par la voie où il

cuidoit mieus eschaper. Cil qui les suivoient en fesoient auques

leur volenté : moût en ocistrent et grant plenté en pristrent de

vis. Entre les autres fu li Empereres meismes pris*. Ne fet mie à

demander s'il ot grant duel par toute la terre, de ceus qui estoient

venu de la bataille, et des femmes et des enfanz, des viellarz et

du menu pueple qui n'i avoient mie esté. Belfeth, icil prince mes-

créanz, vit que il ot einsi pleniere victoire des Crestiens, si

monta en moût grant orgueil ; car il se pensa bien que à peines

trouveroit-il mes point de barre qui li destornast à fere sa volenté

de l'Empire. Quant il se fu logiez et ses oz entour lui, il fist venir

devant lui l'Empereur qui estoit pris, et sist en son faudestuel et

tint ses piez sur le col l'Empereur en leu d'eschamel' : ce fist

pluseurs jorz. Et quant il chevauchoit, il le fesoit mener avec lui :

quant il montoit à cheval, si li metoit le pié sur le col en lieu de

perron, et einsi au descendre. Ce fesoit-il por despit et por honte

de la foi Nostre Seigneur et du pueple crestien. Quant il ot

* En 1071 et non en 1102, comme on lit * Escabeau, scabelli vice. L'édition précé-

dans la Nouvelle Biographie générale, dente porte : en leu de charnel.

einsi avillié et despit l'Empereur, si le lessa aller et aucuns des barons que il tenoit. Et quant il fut revenuz en Costantinoble, li baron de la terre tindrent à trop grant desenneur, se cil qui einsi honteusement avoit esté menez demoroit plus sur eus eu pooir et çp la hautesce de l'empire; si le pristrent et li crevèrent les eus, puis Ti lessierent einsi à doleur finer sa vie. Cil princes mescréans Belfeth que je vos ai dit commença einsi à porprendre toute la terre ; si que il ot en pou de tens conquise dès Laliche de Surie', jusqu'à la mer qu'en claime le Braz saint George : ce dure bien .xxx. jornées de lonc, et .x. de lé ou .xv. en teus leus y a. Quant il vint au Braz, si vout passer en Costantinoble qui est de l'autre part de celé petite mer, mes il ne pot mie trover assez nés. Ainsi touz li pueples crestiens de celé terre, par leur péchiez furent desous celé cruel gent. Entre les autres, celé sainte cité et celé noble, où messires sainz Pères sist premièrement corne chief de la Crestienté, c'est Antioche, fu prise la darreniere et servie en treus ''. Einsi cil ot en sa baillie les terres que l'en claime Celesserie, les deus Cilices, Pamfilie, Lice, Licaone, Capadoce, Galace, Bithinie et une partie de la meneur Aise. Toutes ces terres sunt moût plentéives et pleines de genz. Ces genz mescréanz comencierent à abattre les églises et à grever le puéple si com leur plesoit ; car uns si granz effrois et une si granz peor s'estoit mise ez cuers des genz que il s'enfuioient tuit, ne ne cuidoient pas estre asseur à sis jornées ou à set loing de celui Belfeth. Ce fu une chose qui merveilles greva la sainte cité de Jherusalem et 1^ pueple de la terre : car tandis que li empires de Costantinoble estoit en bone pais et en son grant pooir, mainz granz secors et maint bon confort de riches dons et de bêles aumosnes venoient iluec au pueple de Surie et ausi de la terre d' Antioche ; mes ore avoient-il tout perdu, ne n'avoient mes point d'espérance que aide ne secors leur venist mes de là ; dont il cuidoient touz jorz « estre en servage et en chaitiveté sanz réançon.

* Laodicée. successear d*AIp-Ars1an, nommé Malec-Schah,

* CcM un passage da deuxième livre des avait envoyé en Syrie un de ses lieutenants qui Kois, ch. 8, f 2. Serviens sub tributo. Le fils et n'eut pas de peice à s'y établir.

X, — Cornent li Sarrazin tenoîent les Crestiens en grant vilté.

Tandis com cil tens estoit si perilleus par la seignorie des mescréanz, venoient toutevoîes souvent en pèlerinage et li Grec et li Latin en Jherusalem, por prier Nostre Seigneur, et crier merci, [que il n'obliast pas einsi du tout son pueple.] Moût venoient en grant péril, car toutes les terres que il passoient estoient de leur anemis, et sovent i estoient desrobé et ocis ; et, quant il pooient eschaper et venoient jusqu'à la sainte cité, ne pooient entrer enz, se chascuns ne paioit un besant de treu ; dont il avenoit que cil qui estoient despoillié en la voie n'avoient dont il peussent ce treu paîer, ne l'en ne les laissoit pas entrer enz. Por ce, si avoient hors froit et fain et grant mesese, et en i moroit assez. De ce estoient moût grevé li crestien de la ville, car il sostenoient les vis* de ce que il pooient, et les morz leur convenoit à enterrer, et querre ce que mestiers estoit aus uns et aus autres. Cil qui pooient entrer en la ville les grevoîent encor plus ; car quant il aloient visiter les saînz leus de la cité, l'en en murtrissoit pluseurs en repost, et leur fesoit-l'en assez hontes en apert. L'en leur ruoit boe, Ten leur crachoit emmi les vis, et les batoit-l'en. Por ce, cil de la ville qui avoient aucunes acointances aus mescréanz les suivoient et conduisoîent par leur pèlerinages, por eus garantir selonc leur pooir. Il avoit en la ville une église de ceus de Melfe* qui est une cité de Puille : celé église a encor non Sainte Marie de la Latine ; et delez avoit un hospital de povres où il avoit une chapeleque l'en clamoit Saint Jehan Eleymont*. Icil sainz Jehans fu patriarches de Alixandre. Li abés de celé église de Nostre Dame avoit en sa cure et en sa porvéance cel hospital, et leur porchaçoit ce que mestiers leur estoit selon sa povreté. Iluec estoient *receu tuit li povre pèlerin qui n'avoient dont vivre, et moût estoit la meson de grant charité *• Einsi estoit li pueples crestiens à

< Les virants. * La première église Sainte-Marie-Latine fut

* Amalfi. construite entre les années 1014- 1023, en vertu

' S. Jean l'aujnônier. d'un firman accordé aux Amalfitains par le

grant mesese en la ville. Mes, seur toute rien, leur desplesoit que quant il avoient fêtes leur églises par les Sains leus en la ville, à granz travauz et à granz couz', et li provoire, tel corne il les avoient, fesoient le service Dame Dieu,li mescréant venoient enz à grant noise et à grant chuflois*, et s^asséoient sur les auteus, espandoient les calices, brisoient les lampes et les cierges, et, por plus corocier toute la Crestienté, il prenoient sovent le patriarche qui i cstoit lors par la barbe et par les cheveus, et ruoient à terre et defouloient à leur piez ; dont toute la Crestientez avoit grant duel et grant pitié. En ces doleurs et en ces meseses furent lî Crestien en la terre de Surie, si com je vos ai dit desus, .cccc. anz et .iiii. "• et .X.; et toutevoies crioîentà Nostre Seigneur merci à sospirs et à lermes, et li prioient moût doucement qu'il ne les obliast du tout. Mes li Sires, [qui après la tempeste et le tens oscur set bien ramener la clarté et la belle seson], regarda sa gent en pitié et leur envoia confort et délivrance des tormenz où il avoient si longuement esté, et vos dirai coment.