XX. — Cornent li Tyois boutèrent le feu ez moulins de Niz

Moût fu, celé nuit, li pueples des pèlerins raemplis de touz biens, qui moût en avoient eu grant mestier; car moût avoient aie longuement sanz trouver bone ville, et moût leur furent cil de la cité debonnere et resonable. Au matin il demandèrent leur ostages ; il les orent volentiers : puis se mistrent à la voie moût enpais. [Mes or orrez coment li deables traine sa poe por destourber bones oevres.] En celé compaignie avoit Tyois * qui estoient moût fol et moût meslif *. Aucun d'eus avoient, le soir devant, tencié à un des marchéanz de la ville, et cil à eus : ne plus n'i avoit eu. Quant. li oz s'en partoit, cil Tyois s'assemblèrent jusqu'à cent, et por venjance de la tençon, il pristrent set molins qui estoient au pont près de la ville, il i mistrent le feu et les ardirent tantost. Ne ce leur fu mie assez; ainz avoit un petit bourc hors des murs de la cité, que il mistrent einsi tout en cendre; puis se mistrent à la voie après les autres, qui mot ne savoient de ceste chose. Li sires de la ville, qui assez leur avoit fet debonnereté le soir, vit que il ne l'en rendoient pas bon guerredon : si fu ausi com desvez, et la félonie que pou de gent li avoit feite mist sur tout l'ost ; dont il fist mal. Il fist tantost armer toute la ville et issir hors [à cheval et à pié]; si venoit avant, et moût prioit toute sa gent et amonestoit qu'il se penassent de vengier en ces desloiaus routiers l'outrage que il leur avoient fet. Quant il aprouchierent de l'ost, il trouvèrent premièrement ces Tyois malfaiteurs qui n'avoient pas encore aconséuz les autres; il leur corurent sus, si les descouperent touz. [Lors déust estre assez; mes il ne se tindrent mie à tant; ainz se ferirent en la darreniere partie de l'ost qui riens ne cuidoit douter. ] Il troverent chars

* Allemands. * Querelleurs.

et charretes , sommiers , malades , vieilles genz , femmes et enfanz qui ne pooient mie si tost aler : assez en ocistrent ; les autres entrainerent touz liez; les charrois enmenerent. Ainsi retornerent en leur cité, tuit taint • et ensenglanté du sanc aus Pèlerins.